Православните верници денеска го слават Богојавление - Водици.

Традицијата вели дека на денешен ден Свети Јован Крстител го крстил Исус Христос во водите на реката Јордан.

Празникот кај народот е познат и како Водици поради големиот водосвет што го извршува црквата на овој ден - во водите се фрлаат крстови, а оној што ќе го фати светиот крст се верува дека ќе го следи благослов и среќа во текот на целата година. Фаќањето на крстот значи соединување на човекот со Христа, а се верува дека со фрлањето на крстот водите се осветуваат и стануваат лековити. Со Водици завршуваат некрстените денови.

Годинава поради пандемијата со коронавирусот нема да се одржи традиционалното осветување на водата во базенот „Аквариус“ во Струмица, каде најхрабрите верници учествуваа во фаќањето на Светиот крст.