Прекрасниот млад вокал од Струмица, 20-годишната студентка на Факултетот за музичка уметност Сања Димова, ќерка на познатиот фолк тандем Билјана и Борис Димови, учествува во познатото балканско шоу „Ѕвезде Гранда“.

Во синоќешното прво претставување, кое го реемитуваше Канал 5 ТВ, Сања ја отпеа македонската печалбарска песна „Судбо моја“ и една песна од Ана Бекута „Опет имам разлога да живим“.

Сања ги воодушеви и публиката и жирито кое и даде пет од можните шест гласа, а глас доби и од продукцијата. Таа за ментор од жирито, со која ќе работи понатаму ја избра балканската ѕвезда Цеца Ражнатовиќ.

Поддршка на Сања во студиото на Гранд беа нејзините родители Билјана и Борис кои во Бекстејџот и тие ја запееја познатата „Кажи Рајне, кажи душо“.

„Жал ми е што твоите родители годинава не учествуваат во „Никад није касно“ за да ги види и слушне цел свет“, кажа Саша Поповиќ, а Снежана Џуришиќ на тоа додаде „Жика сигурно ќе ги повика“.

Сања со менторот Цеца продолжува во вториот круг. „Верувај ми душо ќе биде добро“ и кажа Цеца.

Во видеото погледнете го настапот на Сања Димова...