Православните верници денеска го слават Богојавление - Водици.

Традицијата вели дека на денешен ден Свети Јован Крстител го крстил Исус Христос во водите на реката Јордан.

Празникот кај народот е познат и како Водици поради големиот водосвет што го извршува црквата на овој ден - во реките се фрлаат крстови, а оној што ќе го фати светиот крст се верува дека ќе го следи благослов и среќа во текот на целата година. Фаќањето на крстот значи соединување на човекот со Христа, а се верува дека со фрлањето на крстот водите се осветуваат и стануваат лековити. Со Водици завршуваат некрстените денови.

По повод големиот христијански празник Богојавление – Водици, денеска (19-ти јануари), откако ќе биде осветена водата во базенот „Аквариус“ во Струмица, во 12:00 часот, ќе биде фрлен Светиот крст, во чест на одбележувањето на празникот.