Младото диџеј и продуцентско дуо Бонев и Зилант заедно со веќе познатата Славица Ангелова од Струмица попладнево ја промовираа песната „Lost“. Песната припаѓа на електронската денс музика, а младите артисти на истата започнаа да работат од јануари годинава.

Вокалот на песната, струмичанката Славица Ангелова стана позната во јавноста откако настапуваше на познатото музичко шоу за тинејџери на ТВ Гранд, „Неки нови клинци“, како и на „The Voice of Bulgaria“.

Ова е прво заедничко издание на младите струмичани Димитар Бонев и Ѓорѓи Кренков - Зилант. Веќе е во план и втора песна, и тоа во соработка со добро познати артисти од регионот, вели дуото за Радио СтрумицаНет.

Бонев веќе е познат на локалната сцена и покрај настапите во Струмица има настапувано и во други градови во Македонија како и во Бугарија.

Песната „Lost“ има и свој видео запис снимен на повеќе локации во Струмица, дело на Митко Ников, а по сценарио на Мирјана Кирова, во кој како ликови се појавуваат младите Стефан Наков и Викторија Баџуков.

Песната може да ја слушнете и погледнете на следниот ЛИНК