Една од најпопуларните музички групи во Македонија, „БОЛЕРО“ со вокалниот солист Христијан Божинов Кико, деновиве со две нови песни, кои ги промовираат со видео спотови преку YouTube.

„Десет срца“ е насловот на првата песна која ја објавија пред три дена. Музиката и текстот се на Никола Радев и Кико, а аранжманот е на Фимчо Костов и Кико. Видеото е снимено во напуштен објект покрај Охридското езеро.

Втората песна е урбана, насловена „Камера“, наменета за помладата публиката. Музиката е на Кико Божинов, текстот на Иле Илиев, а аранжманот го направи Фимчо Костов. Во „Камера“ на саксафон свири Гоце Јанкулов.

„Болеро“ најавуваат уште еден видео спот, на нова авторска песна, а деновиве на YouTube ќе објавуваат и „cover“ со познати хитовски песни.

Следниот месец ќе имат неколку концерти во Швајцарија, во почетокот на декември се во Германија, а од таму заминуваат на турнеја низ Австралија, каде ќе бидат и за дочекот на Новата 2020 година.

ВИДЕО: Десет срца

ВИДЕО: Камера