Здружението „Скај Плус“ од Струмица под палката на Фондација „Метаморфозис“, спроведе едногодишно истражување со мониторинг на општините од југоистокот на основа на индикатори кои беа организирани во четири области и девет подобласти, односно се темелеа на транспарентност, свесност, пристапност и интегритет. Освен тоа, индексот содржеше и две поткатегории – општински совет и јавни претпријатија, со што се овозможува оценување на отвореноста на општината кога станува збор конкретно за работата на советот или јавните претпријатија.

Покрај фактот што југоисточниот регион е со највисок процент на отвореност и транспарентност, посебно се издвојува општина Василево која на ниво на цела држава е второ рангирана. Најслаб резултат од регионот покажа општина Дојран, која според мерните единици, нивото на транспарентност е само 17%, со отворени податоци кои треба да служат на граѓаните.

Општина Струмица која е и најголема општина во регионот станува деветта општина во земјава која овозможува транспарентен и лесен пристап на граѓаните до услугите која истата ги нуди.

Од здружението „Скај Плус“ велат дека предизвикот кој го донел мониторингот е голем, очекувањата за транспарентноста на општините биле едни, но индикаторите ја донеле реалната слика, која општина е најблиску до потребите на граѓаните и колку истите правилно ја толкуваат дефиницијата: Транспарентност.

Врз основа на направената проценка дадени се препораки за подобрување на работењето на единиците на локалната самоуправа во областите кои се опфатени со истражувањето.

Рождество на Пресвета Богородица е еден од големите празници на Светата православна црква. Иако овој празник се смета за почеток на сите празници сепак тој почнал да се празнува многу подоцна.

Рождество на Пресвета Богородица или Мала Богородица е еден од 12 големи празници во православието кој го слави раѓањето на Богородица. Богородица е родена во Назарет од стари и бездетни родители, благочестиви Јоаким и Ана како одговор на нивните молитви. Се слави на 8 септември според Јулијанскиот календар или на 21 септември според Грегоријанскиот календар.

Жителите од струмичкиот регион од вчера попладне го посетуваат Манастирот „Пресвета Богородица Милостива“ во Вељуса, кој денеска го слави својот патрон.

Колона од возила кон Вељуса, река од народ низ селото, манастирскиот двор преполн со верници.

Утре е Рождество на Пресвета Богородица, еден од големите празници на Светата православна црква.

Жителите од струмичкиот регион уште од денеска попладне го посетуваат Манастирот „Пресвета Богородица Милостива“ во Вељуса, кој утре го слави својот патрон.

На 7 километри западно од Струмица се наоѓа селото Вељуса, каде на една бигорна карпа, монахот Мануил подигнал манастир во 1078 година и го посветил на Богородица. Манастирската црква до денешни дни ја зачувала својата оригинална архитектоника. Во времето на градењето на црквата, селото се викало Палеокастро, но подоцна според манастирот го добило денешното име – Вељуса (од Елеуса). Манастирот лично го посетил и византискиот император Алексиј I Комнен и бил восхитен од неговата убавина.

Бидејќи е посветен на Богородица, овој манастир бил ослободен од секакви давачки. Се што влегувало во манастирот, останувало тука, а манастирот поседувал обработлива земја, лозја, пасишта, шуми, ливади и бил еден од најбогатите и најзначајните манастири, не само кај нас, туку и пошироко. Денешниот изглед, околината на манастирската црква ја доби со доаѓањето на владиката Наум, кој има голема заслуга за основањето на монашкиот ред.

Црн густ чад ги вознемири жителите на Костурино. Попладнево по 14 часот избувнал пожар во близина на селото Костурино, гореле стрниште и стари гуми. Интервенирала Противпожарната единица на Струмица, а на помош биле и пожарникари од Валандово. Во гасењето на пожарот учествувале 20-тина пожарникари со шест противпожарни возила.

Пожарот бил локализиран, а црниот чад кој се издигнувал над местото на пожарот бил предизвикан од запалените стари гуми.

Осум пожарникари-спасители од Противпожарната единица на Струмица, припадници на УСАР тимот (урбано пребарување и спасување), кој е во состав на Републичките сили за заштита и спасување ќе земат учество на претстојната НАТО вежба која во организација на Евроатлантскиот центар за координација на одговор при катастрофи (EADRCC) се одржува во периодот од 20 до 24 Септември на подрачјето на Охрид и Струга.

Станува збор за сценарио за справување со последиците од катастрофален земјотрес што би го зафатил охридско-струшкиот регион.

Оваа е досега најголема и најзначајна цивилна НАТО вежба во која ќе земат учество 28 земји со преку 700 учесници со различни тимови за заштита и спасување.

Од ЈПКД „Комуналец“ Струмица информираат дека поради дефект на главен цефковод за довод на вода, населеното место Куклиш е без водоснабдување. Екипата е на терен и ќе се работи се до отстранување на дефектот.

По пауза од скоро две години, синоќа струмичанката Александра Јанева го објави новиот повратнички сингл „Денот што ни носи“.

Песната е заедничко авторско дело на Лазар Цветкоски и Александра Јанева.

„Денот што ни носи“ беше премиерно изведена на 36-тиот Фестивал на забавни мелодии Макфест, а официјалниот видео запис е веќе тука.

Во вторникот во Истанбул, Турција, беа доделени престижните награди на Business Elite’s Awards „40 under 40”, каде Валентина Динова од Струмица - Мастер Франшизер на Helen Doron English за Македонија, беше наградена меѓу 40-те најуспешни лидери во Југоисточна Европа до 40 години. Водител на церемонијата беше познатиот турски актер и изведувач Јусуф Емини.

„Почестена сум, што сум дел од оваа прекрасна организација и заедница на успешни претприемачи. Среќна сум и благодарна што го имам луксузот да работам во област која има огромен импакт врз иднината на идните генерации. Силно верувам дека квалитетната едукација е една од најважните работи што треба да им ги овозможиме на нашите деца за да имаат подобра иднина. Јас како поединиц, заедно со сите инволвирани во Helen Doron English франшизната мрежа во Македонија, не штедиме ресурси за да го донесеме и имплементираме во нашата држава најдоброто од едукација од светот, но и да го направиме достапно за што поголем број на деца низ целата држава. Нашите деца имаат огромен потенцијал и заслужуваат квалитетна едукација, кој им гарантира подобра иднина и поголеми можности“ - кажа Валентина Динова во своето обраќање на доделувањето на наградата.

Таа додаде дека оваа награда е големо признание за неа, но и за целиот тим од франшизери и учители, кои посветено работат на овозможување квалитетна едукација на голем број на деца низ државата.

Business Elite’s Awards претставува престижна програма за наградување и вмрежување на извонредни претприемачи и бизнис лидери, со мисија за проширување и зголемување на деловните можности и меѓународни соработки помеѓу бизнисите.

Наградите „Business Elite’s“ се заштитен знак на Global Top Brand Awards, основани во 1985 година во Торонто, Канада и имаат за цел да ги идентификуваат извонредните поединци ширум светот кои се издвојуваат по својата посветеност и професионален успех.

Имунитетски производи - Имунитет - Аптеки „Еликсир“

Нашиот имунитет е важен за нашиот опстанок.

Имунолошкиот систем функционира нормално кога ги препознава разновидните патогени, изумрените и мутирани клетки и ги отстранува, а ги разликува и препознава сопствените здрави ткива и клетки.

Имунолошкиот систем кај секој човек е различен, се зајакнува со возраста, затоа што со текот на времето организмот повеќе пати е изложен на разни антигени, при што се создаваат антитела и штом еднаш е создадено некое антитело, копија од него останува во организмот, така што при повторна средба со истиот антиген, организмот е во состојба побрзо да реагира.

Зајакнете го вашиот имунитет - тема на разговор со д-р Катица Марангозова, специјалист инфектолог.

Одговор на најчесто поставуваните прашања на пациентите во текот на Ковид пандемијата.

- Што е имунитет?

- Како да го одржиме здрав имунолошкиот систем?

- Кои се најчестите додатоци за зајакнување на имунитетот?

Најдете ги вашите витамини, минерали во нашите попусти, промоции и акции од ИМУНИТЕТСКИТЕ производи во ПЗУ АПТЕКИ ЕЛИКСИР, како и на нашата ВЕБ страна на линкот: www.eliksir.mk/imunitet

*Во Струмица за сметка над 300 денари БЕСПЛАТНА достава за нарачки преку ВЕБ.

Општина Струмица обезбеди нова противпожарна опрема и техника за зајакнување на капацитетите на Територијалната професионална противпожарна единица, објави градоначалникот на Струмица, Коста Јаневски.

„Набавени се најнови модели на изолациони апарати за дишење кои се неопходни за гасење на пожари во затворен простор, комбинирани апарати на воздух и вода за гасење на пожари на отворен простор, грбни пумпи за гасење пожари на отворен простор, турбо млазници и црева. Оваа опрема чини 1,7 милиони денари обезбедени од буџетот на општина Струмица. Со набавката на опремата значително се зголемува квалитетот и ефикасноста на интервенирање на ТППЕ Струмица во различни ситуации“ – стои во информацијата на градоначалникот Јаневски.

Тој информираше дека во тек е и постапка за набавка на специјална интервентна облека и лична заштитна опрема за пожарникарите, исто така со средства од општинскиот буџет.

Од Министерството за здравство информираат дека во изминатите 24 часа пријавени се 32 починати лица како последица на Ковид-19, меѓу кои и четворица од Струмица на возраст од 58, 59, 70 и 82 години. Од направените 4621 тестирања регистрирани се 617 новозаразени од кои 32 се од Струмица и струмичкиот регион. Оздравени се 12 лица од струмичко.

Актерката Звездана Ангеловска ја доби наградата за најдобро актерско остварување на 29-то издание на Фестивалот на камерен театар „Ристо Шишков“ во Струмица, кој заврши синоќа со прогласување на најдобрите.

Таа е наградена за улогата во претставата „Само глас“ од Нина Плавањац, во режија на Марјан Нечак, а во продукција на Македонскиот народен театар од Скопје.

Одлуката на фестивалското жири ја образложи претседателката, минатогодишнара лауретка, Александра Пешевска, во кое покрај неа играта на актерите ја оценуваа и Благој Чоревски и Петар Мирчевски.

Ангеловска не присуствуваше на доделувањето на наградата, која се состои од златен медалјон со ликот на Шишков и парична награда во износ од 1500 евра. Според директорот на фестивалот, Ванчо Ристов Патриков, наградата ќе и биде врачена дополнително.

Инаку, Звездана Ангеловска по втор пат ја добива наградата „Ристо Шишков“. Прв пат ја доби во 2003 година и досега е единствена која два пати се закитува со ова признание.

Од ФК „Академија Пандев“ објавија дека натпреварите од Првата македонска фудбалска лига кои овој клуб ќе ги игра на домашен терен ќе се емитуваат во живо на регионалниот спортски телевизиски канал „Sport Klub“.

ФК „Академија Пандев“ е првиот фудбалски клуб во нашата држава кој самостојно ги продаде ТВ-правата на регионална телевизиска куќа. Договорот е веќе потпишан и важи за домашните куп и првенстевни натпревари за наредните три сезони, почнувајќи од тековната 2021/2022, 2022/2023 и 2023/2024 сезона – стои во објавата на „Пандевци“.

Општинската организација на СДСМ во Струмица ја објави листата на членови на Советот на општина Струмица за Локалните избори кои ќе се одржат на 17 октомври. Носител на ова листа е актуелниот претседател на Советот на општина Струмица, Марјан Даскаловски. Еве ги сите 23 кандидати за советници од ова партија:

2. Наташа Шапковска

3. Зоран Костадинов

4. Македонка Глигорова

5. Абдуљ Амедов

6. Дениза Стамболиева

7. Борис Стојанов

8. Елена Маѓеровска Паликарова

9. Ице Беличев

10. Танкица Митрева

11. Ване Крстев

12. Силвана Стојанова

13. Александар Ненчев

14. Мери Туџарова

15. Ајати Ибраимов

16. Нела Лазарова

17. Страшо Јовов

18. Павлинка Стојанова

19. Столе Кавазов

20. Софче Дончева

21. Борче Стојчев

22. Елена Китанов

23. Митко Петров

До Општинската Изборна комисија на општина Струмица доставени се 8 предлог советнички листи: од двете најголеми политички партии ВМРО-ДПМНЕ и СДСМ, Граѓанската група „Стига е“, Коалиција на ЛДП и ДОМ, Интегра – Македонска конзервативна партија, Демократска партија на турците, „Единствена Македонија“ и Група избирачи на Шефкет Асанов.

Кандидат за градоначалник на општина Струмица од СДСМ е пратеникот Костадин Костадинов, а противкандидати за освојување на ова функција му се Жан Дрвошанов од ВМРО-ДПМНЕ и Васе Витанов од ИНТЕГРА.

Општинскиот комитет на ВМРО-ДПМНЕ во Струмица по објавувањето на кандидатот за градоначалник на општина Струмица, Жан Дрвошанов, ја состави и листата со предлог кандидати за членови на Советот на општина Струмица.

Носител на советничката листа од ова партија на претстојните Локални избори, кои ќе се одржат на 17 октомври, е д-р Никола Маџунков. Еве ги сите 23 кандидат:

  1. Љилјана Коцева
  2. Владимир Ристов
  3. Сашко Милковски
  4. Тања Дедејска
  5. Киро Грковски
  6. Ѓорге Јовов
  7. Илија Илиев
  8. Елена Орцева
  9. Наташа Котева
  10. Драги Памуков
  11. Љубица Покрајчева
  12. Блаже Крстев
  13. Христијан Велков
  14. Снежана Пијанманова
  15. Алијаша Дурмишов
  16. Бранко Ѓоргиев
  17. Наташа Стојанова
  18. Весна Стојанова
  19. Бојан Стојанов
  20. Мери Ристова
  21. Никола Андонов
  22. Марија Колева

Инаку до Општинската Изборна комисија на општина Струмица се доставени 8 предлог советнички листи: од двете најголеми политички партии ВМРО-ДПМНЕ и СДСМ, Граѓанската група „Стига е“, Коалиција на ЛДП и ДОМ, Интегра – Македонска конзервативна партија, Демократска партија на турците, „Единствена Македонија“ и Група избирачи на Шефкет Асанов.

За градоначалник на општина Струмица ќе се тркат тројца кандидати: Костадин Костадинов предлог на СДСМ, Жан Дрвошанов од ВМРО-ДПМНЕ и Васе Витанов од ИНТЕГРА.

Боби Ѓошиќ вработен во Секторот Музичка дејност при Центарот за култура „Антон Панов“ во Струмица е именуван за ВД директор на ова национална установа. Ваква одлука донесе министерката за култура Ирена Стефоска, откако Управниот суд го поништи огласот за избор на Васил Бубев за директор на НУ Центар за култура „Антон Панов“ во декември минатата година, а по поднесена тужба до овој суд од страна на останатите двајца незадоволни кандидати.

Инаку, изминативе осум месеци, иницијативата „Култура или фискултура”, во која членуваат актери од струмичкиот театар, организираше повеќе протести во Струмица и Скопје со кои укажуваа на незаконитост на постапката за избор на досегашниот директор Васил Бубев.