Во пресрет на празникот Рождество на Пресвета Богородица, голем број верници го посетуваат Манастирот „Пресвета Богородица Милостива“ во Вељуса, кој утре го слави својот патрон. Меѓу нив доцна попладнево беше и градоначалникот Коста Јаневски со дел од членовите на Советот на општина Струмица.

И во време на една од најголемата зараза во светот, во услови на посебни здравствени мерки, струмичани верни на традицијата, од денеска попладне, во пресрет на еден од големите празници на Светата православна црква, Рождество на Пресвета Богородица, го посетуваа Манастирот „Пресвета Богородица Милостива“ во Вељуса, кој утре го слави својот патрон.

Во последните 24 часа направени се 1368 тестирања, а регистрирани се 178 нови случаи на ковид-19. Во Струмица 13 новозаболени.

СВР Струмица информира дека вчера во 09:30 часот е пријавено дека во атар на село Мокриево, струмичко, во нива на место викано „Длабока“, додека Д.Н. сечел дрва, едно од дрвата паднало и ја повредило неговата сопруга Ж.Н. (59), при што таа починала на лице место.

Во последните 24 часа направени се 1545 тестирања, а регистрирани се 144 нови случаи на ковид-19 од кои дури 15 се регистрирани преку Центарот за јавно здравје во Струмица. Починале 8 лица, еден и во Струмица на 39-годишна возраст.

Уште две деца со ковид-19 во струмичката централна градинка. Станува збор за деца од истата група коишто се во изолација по првиот случај потврден пред два дена, објави ТВ канал ВИС. За телевизијата од градинката потврдиле дека вкупно три деца во една група кои се во изолација се позитивни на ковид-19.

Освен двете деца денеска во Струмица се регистрирани уште две лица со позитивен тест, односно според информацијата на Министерството за здравство, Струмица денеска со четири нови случаи на ковид-19 од вкупно 140-те во цела држава.

Експедиција од 15 планинари од Македонија, вчера во услови на силен и студен ветер и температура од -20 степени успешно го искачија врвот на највисоката планина во Турција, Арарат, 5137 метри надморска висина.

Меѓу македонските планинари беше и членот на ПАОК „Ентизијаст“ од Струмица, Благој Ѓузелов.

Планинарите од Скопје тргнаа на 11 септември, а искачувањето траеше четири дена. Со аклиматизација за висинската разлика на два базни кампа на 3300 и 4200 метри надморска висина.

12 нови позитивни лица на ковид-19 регистрираа здравствените власти во последните 24 часа на територијата што го покрива Центарот за јавно здравје во Струмица.

Струмица е со 77 активни случаи кои се уште не се излекувани, а досега  се заразиле 142 лица.

Дете од еден од клоновите на струмичката градинка „Детска радост“ од Струмица е позитивно на тест од коронавирус, потврди за МИА директорот, Васил Бубев.

Според информациите детето не било носено во градинката од понеделникот, а вирусот го добило од член на семејството.

Во последните 24 часа направени се 1721 тестирања, а регистрирани се 163 нови случаи на ковид-19, најмногу во Скопје 33 лица, па следува Струмица со 18 новозаразени.

Починати се 7 лица, двајца пациенти од Струга (78 и 80 години), пациент од Кочани (77 години), од Струмица (44 години), од Скопје (72 години), од Битола (79 години) и еден пациент од Гостивар (79 години).

Актуелната состојба со ковид-19 во општината Струмица е релативно загрижувачка, имајќи во предвид дека бројот на заболени расте. Факт е дека заболените не се само од повозрасната популација, туку таргет група на заразени се од 15 до 30 години. Ова беше констатирано на денешниот координативен состанок на градоначалникот на општина Струмица, Коста Јаневски со Петре Витанов, директор на Центарот за јавно здравје, д-р Мери Николова Гичева – епидемиолог, Наќе Гогов директор на ЈЗУ Општата болница Струмица, Жанко Зимбаков, заменик началник на СВР Струмица, Милан Русев, раководител на Центарот за управување со кризи, Марјан Даутовски, раководител на Дирекција за заштита и спасување и Александар Оџаков, секретар на општина Струмица.

Нови 13 заболени од Ковид-19 се регистрирани на подрачјето на регионот што го покрива Центарот за јавно здравје во Струмица во изминатото деноноќие, а двајца пациенти на 29 и 44 години се починати, од кои едниот вчера при транспорт за Скопје, информира за МИА, директорот Петре Витанов.

Во последните 24 часа направени 1404 тестирања, а регистрирани се 98 нови случаи на ковид-19. Според денешниот извештај девет лица во Струмица.

Починати се 9 лица, двајца од Струмица (29 и 44 години), еден од Крива Паланка (52 години), двајца од Гостивар (60 и 62 години), Куманово (60 години), од Велес (70 години) и двајца од Скопје (71 и 23 години), информираат од Министерството за здравство.

СВР Струмица информира дека на регионалниот Дабиле – Петралинци, кај Струмица, автомобил „Фолксваген Пасат“, управувано од А.М. (22 години) од Старо Балдовци, струмичко, излетало од патот.

Жирито на Меѓународниот фестивал на камерен театар „Ристо Шишков“, кој од 8 до 13 септември се одржа во Струмица, наградата за најдобро актерско остварување ја додели на актерката Александра Пешевска за улогата Кејт во претставата „Телефонот на мртовецот“ од Сара Рул, во продукција на театарот од Куманово во режија на Александар Ивановски.

Во последните 24 часа од направените 1253 тестирања, регистрирани се 98 нови случаи на ковид-19, од кои и двајца во Струмица.