Обраќање на Костадин Костадинов, кандидат за пратеник во Изборната единица 4 од Коалицијата „Можеме“, предводена од СДСМ.

На 15 јули одлучуваме за сопствената иднина, за иднината на најблиските и за иднината на земјата. Одлучуваме дали ќе одиме напред или ќе се враќаме назад!

Дали ќе растат платите за сите или ќе се полнат џебовите на луѓето на Груевски?

Дали ќе се заштитиме од Ковид или ќе оставиме неодговорни луѓе да донесат хаос, паника и закана за здравјето на сите?

Дали ќе го исчистиме судството од корумпираните или Мицкоски ќе ги спасува Камчев и Груевски?

Дали после НАТО влегуваме во ЕУ или ќе им дозволиме да го поништуваат Договорот од Преспа и да не носат во провалија?

Ќе продолжиме напред само ако вие така одлучите и само ако излезете и гласате на 15 јули, на вашето гласачкото место кое ќе биде целосно безбедно.

Почитувани граѓани,

Знаеме дека можевме и подобро. Знаеме дека не ги исполнивме сите ваши очекувања. Знаеме дека направивме и грешки.

Но, секоја наша грешка, ни ја посочувавте гласно, демократски, а ние ве слушавме и реагиравме. Покажавме дека знаеме и можеме да се подобруваме.

Ја бараме вашата поддршка. Го бараме вашиот глас за уште еден мандат. За да ги продолжиме добрите политики. За да продолжиме напред уште побрзо и да не ја испуштиме шансата што заедно ја создадовме за оваа наша убава земја и за нашиот народ.

Негласањето носи ризик да изгубиме се што постигнавме заедно. Во моментов нема подобра опција за државата од Заев и СДСМ. Не смее да се ризикува да се врати ВМРО, тоа ќе донесе хаос во државата.

На 15 јули го бараме Вашиот глас, затоа што можеме уште повеќе и уште подобро.

„Пандемијата на КОВИД-19 беше најсериозниот тест за нашиот здравствен систем. Во услови на најтешка светска криза, покажавме како треба да се работи и како може да се создаде огромна доверба кај граѓаните во здравствените работници и здравствениот
систем. Големо мнозинство од македонските граѓани се задоволни од начинот на кој се менаџираше оваа криза, резултат кој никој не го забележал од нашата независност“ – кажа Костадин Костадинов, кандидат за пратеник во Изборната единица 4 од Коалицијата „Можеме“, предводена од СДСМ, на синоќешната предизборна трибина со здравствените работници од Струмица, која се одржа во Амфитатарот.

Костадинов најави дека здравствениот систем и здравствените работници се подготвени за следниот бран на коронавирусот и дека во наредниот период ќе се инвестира 33 милиони евра во одделенијата за интензивна нега.

Тој најави дека новата Влада предводена од СДСМ ќе продолжи со вработувања во јавно-здравствените установи за да се јакнат капацитетите на здравствените установи.

„Времето на одговор на Брзата помош ќе се намали на 10 минути во градски и 20 минути во рурални средини. Обезбедуваме трипати повеќе специјализации. Со апликацијата „Здравје за сите“ ќе се скуси времето и „шетањето“ на пациентот од доктор до специјалист и аптека. Скопје добива нов Клинички центар, а Охрид, Тетово и Струмица добиваат модерни регионални здравствени центри. Ги реновираме влезовите и приемните одделенија на болниците. Ја прошируваме позитивната листа на лекови, лековите на рецепт се достапни во секој дел од месецот, во секое населено место“ – кажа Костадинов.

На трибината со здравствените работници говореа и двајцата лекари, пратеничката од последниот состав на македонскиот парламент, Катерина Кузмановска и актуелниот градоначалник на Струмица, Коста Јаневски.

На денешен ден 2014-та година, ноќта околу 22 часот на периферијата од градот Струмица, се случи трагичната хеликоптерска несреќа, во која загинаа четворицата искусни пилоти на МВР, Драги Мицев, Марјан Трајкoвиќ, Тоде Орешков и Иљо Лопатички.

Според тогашните информации од МВР, хеликоптерот бил произведен 2008 година и имал опрема за ноќно летање. Пилотите во текот на денот биле на ноќен лет на релација Скопје - Кавадарци - Валандово - Струмица - Берово - Делчево и обратно, а во текот на летот била користена ноќна визуелизација. Околу 22 часот хеликоптерот тип МИ17, со регистарски ознаки MAP 7712 удрил во антенски столб на Македонската радиодифузија. Во текот на летот пилотите не пријавиле проблем.

Според очевидци, кои го виделе падот на хеликоптерот, четворицата пилоти ги жртвувале своите животи за да ја спасат Струмица од катастрофа, кога решиле да слетаат на ливадата на која единствено имале место да атерираат без да ги загрозат околните објекти.

Во близина на местото каде се сруши хеликоптерот има неколку фабрики, а на сто метри има и бензинска пумпа, па во експлозијата на керозинот можело да се запалат и овие објекти и да дојде до катастрофален пожар.

Противпожарната станица била известена за пожарот во 22:05 часот и само по 4 минути две возила тргнале кон местото. Пожарникарите реагираа со 12.000 литри вода и бидејќи станувало збор за високо запалливи материи од керозинот, се користело вода во комбинација со пена.

Роденденски, свечено, синоќа во големиот Градски парк во Струмица, покрај езерцето, во пријатен амбиент и опуштена атмосфера на отворено, струмичките жени од партијата ВМРО-ДПМНЕ ја одбележаа 22-та годишнина од основањето на Унијата на жени во Струмица, но и 30-тата годишнина од основањето на Општинскиот комитет на ВМРО-ДПМНЕ во Струмица, основан на 8 јули.

На свеченоста присуствуваше и сопругата на претседателот на ВМРО-ДПМНЕ, Христијан Мицкоски, Рози, инаку струмичанка.

„Струмица е мојата неразделна приказна, мојот роден дом и семејство, роднини и пријатели, тука е мојата гимназија. Посебно ми претставува задоволство што вечерва пред мене гледам жени кои победуват во своите битки, семејни и лични, храбри девојки и сопруги спремни во свои раце да го носат водењето на работите во заедницата. Политиката е составен дел од мојот живот. Секој ден додава задача во улогата: да бидам сопруга и мајка според дадениот завет, да бидам советник кога тоа се може, поддршка кога тоа се бара, да бидам заштитник во молитвите, да ги стегам палците за секој мал, но битен успех на децата. И немам проблем да се справам со ниту еден предизвик, ниту нешто може да ме расколеба во одот на денот. Ние, тоа го учевме од нашите мајки, ние сето тоа го знаеме од нашите баби. Колку пати сме си рекле: исправи се? Колку примери сме земале од нашата Македонија - за да се исправиме? Затоа како професор и македонист се радувам кога се обраќаме до татковината: исправи се Македонијо, сега ние сме тука“, кажа во своето поздравно обраќање, Рози Мицкоска.

Претседателката на Унија на жени при Општинскиот комитет на ВМРО-ДПМНЕ, Тања Достинова Запрова во своето обраќање кажа дека ВМРО-ДПМНЕ се покажа како единствена и чиста опција која може да создава вредности, не само за сегашните, туку и за идните генерации.

„Ние искуствата умееме да ги преточиме во архитектура, во уметност, во екологија, ние Македонија знаеме да ја пресоздаваме. Да изгледа секогаш горда, да има најдобри патишта и училишта, да ги постигнува најдобрите резултати во спортот и да се радува. Тоа е Македонија на ВМРО-ДПМНЕ. Умееме многу да патиме заради Македонија. Многумина во затворите, многумина без работа и различни судбини но, ние не се откажуваме. Нашата намера е да го вратиме достоинството на татковината, да започнеме процес на обнова во кој ќе подадеме рака на секој кој умее да покаже квалитет, секој кој умее да даде добар совет и секому кој ни посакува успех на патот кон обновата“ – кажа Достинова Запрова, повикувајќи ги жените на 15 јули да излезат масовно на изборите и да го заокружат број 14, да победи ВМРО-ДПМНЕ и да започне обновата.

Пред присутните говореа и еден од основачите на Унијата на жени во Струмица, Љубица Ангелова, поранешната претседателка на Унијата на жени, Софче Дафчева, како и кандидатките за пратеници од Струмица во Изборната единица 4, Ели Панова и д-р Јадранка Поцкова. На свеченоста присуствуваше и претседателот на ОК на ВМРО-ДПМНЕ, Александар Донев и потпретседателот на Унија на млади сили, Владимир Ристов и кандидат за пратеник.

Преку видео-обраќање градоначалникот на Струмица, Коста Јаневски, попладнево упати јавен апел до надлежните чинители во спречувањето на транзитот на мигранти во земјава да си ја завршат својата работа, откако само во последните три дена се случија две сообраќајни незгоди во општина Струмица во кои беа инволвирани возила кои пренесуваат мигранти.

„Министерството за внатрешни работи, СВР Струмица, вклучително и граничната полиција, ги имаат сите ингеренции да ги пресретнат овие криминални групи и најжестоко да реагираат во сузбивањето на овие сериозни кривични дела на трговија со луѓе“, вели Јаневски во неговото обраќање.

Градоначалникот на Струмица во јавниот апел бара МВР да го спречи транзитот на мигранти низ Струмица, да се зајакнат полициските патроли на влезовите на градот и на ридовите над градот поради пресретнување на криминалните групи кои учествуваат во криумчарењето на мигранти, и да се засили полициското присуство во градот и во населените места „за да се гарантира мир, спокојството и сигурност на граѓаните на општината“.

„Во последниот период се почесто сме сведоци дека несовесни граѓани помагаат во организацијата, транспортот, засолнувањето и трансферот на мигранти заради здобивање на финансиска корист. Криминалните структури за криумчарење со мигранти го организираат транспортот и транзитот на мигрантите преку Струмица, а со тоа го нарушуваат мирот и спокојството на граѓаните на нашата општина“, кажа Јаневски.

Во видео обраќањето градоначалникот на Струмица апелира до граѓаните на општината доколку забележат „било какви групи на сомнителни лица“, веднаш да ги пријават во полицијата.

Синоќа комбе полно со мигранти излета од патот Струмица-Валандово и се преврте во реката Тркања. Од полицијата информираа дека само во ова комбе се транспортирале 50 мигранти, од кои 14 се здобиле со повреди во незгодата. Во вторникот друго комбе со мигранти, управувано од лице од Кочани, се судри во неколку патнички возила на улицата „Младинска“ во Струмица, превезувајќи 32 мигранти, од кои кај 8 се констатирани повреди.

Минатиот месец возило кое транспортирало мигранти низ Струмица направи сообраќајка на патот Струмица-Радовиш во која животот го загуби жител на населеното место Градашорци.

Македонскиот јазик, македонскиот идентитет, македонската посебност денес се признаени од сите, кажа во денешното обраќање кандидатот за пратеник во Изборната единица 4 од Коалицијата „Можеме“, предводена од СДСМ, Костадин Костадинов.

За само три години СДСМ ги оствари стратешките цели на државата.

Преку одговорни, државнички политики, успеавме да ја извадиме државата од изолација во која ја држеше ВМРО-ДПМНЕ и да ја вратиме на правиот пат, на патот на евроинтеграциите.

Денес сме 30 земја членка на НАТО, еднакви во насилниот и најважен воено-безбедносен сојуз. Нашите граници се трајно обезбедени, а нашата национална безбедност и сигурност никогаш не биле на повисоко ниво.

Денес сме пред почеток на преговори со ЕУ и отворање на првите поглавја.

Ги остваривме највисоките цели и и целосно го заштитивме идентитетот, ги зачувавме државните и национални интереси.

Македонскиот јазик, македонскиот идентитет, македонската посебност денес се признаени од сите. Од ЕУ, од НАТО, од целиот свет.

Последен, силен доказ за тоа е Преговорачката рамка каде што јасно е наведено дека јазикот на кој треба да се преведе европското законодавство е македонски јазик.

Македонски јазик е јазикот наведен во нашата лична карта во ООН, македонски јазик е јазикот на кој ја водиме меѓународната комуникација.

Разобличени се лагите на ВМРО-ДПМНЕ и Христијан Мицкоски за наводно губење на идентитетот и оспорување на нашиот, македонски јазик.

Покажавме дека можеме да ги зачуваме идентитетот и посебноста и да ги отвориме вратите на ЕУ и НАТО.

Членството во НАТО е влезна карта за ЕУ. Подготвени сме, знаеме и можеме до 2024 да отвориме 80% од поглавјата за интеграција во ЕУ, а за 6 години да го затвориме преговарачкиот процес.

Од европските фондови обезбедуваме 2,5 милијарди евра за Северна Македонија. Тоа се повеќе пари за справување со коронакризата, за новата македонска економија, за зелена агенда, енергија, конкурентност, капитални инвестиции, земјоделство, канализации, патишта, водоводи. Тоа се европски пари за европски стандарди дома.

На 15 јули граѓаните ќе одберат да продолжиме на прав пат кон ЕУ и НАТО и нема да дозволат враќање на изолацијата и обнова на режимот.

Синоќа во 20:45 часот на регионален пат Валандово – Струмица, пред раскрсницата за село Раборци, товарно возило „Мерцедес Спринтер“, со битолски регистарски ознаки, во кое биле превезувани 50 мигранти од Индија, Авганистан и Пакистан, се превртело на коловозот. По незгодата возачот побегнал од местото, информираат од СВР Струмица.

Во незгодата, со тешки телесни повреди се здобиле четворица мигранти, а десет се здобиле со телесни повреди, констатирани во болницата во Струмица, каде што биле пренесени за укажување на лекарска помош. Останатите мигранти биле пренесени во Прифатниот центар кај Гевгелија.

Увид на местото на незгодата извршиле Јавен обвинител и екипа на СВР Струмица. Се работи на расчистување на случајот.

„Иманентен фактор на идентитетот и развој на секоја држава е Културата. Таа е столб на континуитетот на постоењето на една заедница и еден народ. За жал последните неколку години се урива овој столб. Затоа се обврзуваме за заштита и негување на културата и уметноста како и подобрување на усовите за вработените во областа на културата“, им кажа на работниците од областа на културата, Ели Панова, кандидат за пратеник во ИЕ4 од Коалицијата „Обнова на Македонија“, предводена од ВМРО-ДПМНЕ, која заедно со кандидатот од Струмица, д-р Јадранка Поцкова имаа средба со културните работници во малиот Градски парк во Струмица.

„Драги сограѓани, ние не сме излегле да одиме по град и села за џабе. Нашиот народ си има мака. Младите заминуват, земјоделците пропаѓаат, здравството сите го знаеме дека е на стаклени нозе, платите се мали и во администрација, а камо ли во стопанството. ВМРО-ДПМНЕ е народна партија. Нас не може да не разликувате од народот. Не се делиме од народот. Оние што не се чесни ние сами ги изложуваме. Македонскиот народ секогаш има само еден непријател тоа е СДСМ насочена кон богатење. Тие ја направија приватизацијата, тие го уништија македонското село, тие ги натераа младите да бегат во странство, тие го сменија името, и сега барат мандат за којзнае какви нови предавства. Затоа ние доаѓаме пред вас да си позборуваме, да ја претставиме нашата програма и да си дадеме ветување“, кажа д-р Јадранка Поцкова, кандидат за пратеник во ИЕ4 од Коалицијата „Обнова на Македонија“, предводена од ВМРО-ДПМНЕ, на средбата со жителите на Банско, а на која се претставија и носителот на листата за пратеници во ИЕ4, Александар Николоски и кандидатот за пратеник од Струмица, Ели Панова. Тие имаа средба и со жителите на Куклиш на кои им ја презентираа програмата за Обнова на Македонија.

Портпаролот на СВР Струмица, Хризантема Рендевска вечерва информираше дека околу 20:50 часот на магистралниот пат Струмица - Валандово, кај Раборска раскрсница се случила сообраќајна незгода во која комбе возило со битолски регистарски таблици е превртено.

„Во комбето биле превезувани мигранти. Во незгодата 7-8 мигранти се здобиле со повреди од кои 4 мигранти со потешки повреди. Возачот на комбето се дал во бегство. Во тек е увид на лице место воден од јавен обвинител“ – информираше Рендевска.

Вечерва околу 21:30 часот на патот Струмица – Валандово, кај Тркања, патничко товарно возило од засега непознати причини излетало од патот и се превртело. Според очевидци во комбето имало мигранти.

Интервенирала Противпожарната единица на Струмица со шестмина пожарникари, кои со специјални хидраулични алатки е пристапено кон извлекување на повредените. Според информациите од ТППЕ Струмица, седум лица се префрлени во Струмичката болница.

Полицијата врши увид на самото место.

ФОТО: ТППЕ Струмица

Кандидатот за пратеник во Изборната единица 4 од Коалицијата „Можеме“, предводена од СДСМ, Златко Стојановски, во денешното свое обраќање вели дека по 30 години поминати во институција вратено му е достоинството, правото да избира каде ќе живее, правото самостојно да одлучува и правото на независен живот.

Начинот на кој општеството гледа на попреченоста е еден од клучните показатели за тоа во какво општество живееме.

Како одговорна партија, во изминатите 3 години, го трансформиравме системот за поддршка и пристапот до правата и услугите. Тоа се клучни мерки преку кои градиме општество засновано на права, солидарност, соработка и вклучување.

Оттука, сакам да нагласам дека за првпат во нашата држава, после долги години, се потенцира независноста на лицата со попреченост и нашето право на носење одлука.

По 30 години поминати во институција можам слободно да кажам дека со активностите кои се преземени во изминатите 2,5 години вратено ми е достоинството, правото да изберам каде ќе живеам, правото самостојно да одлучувам и правото на независен живот.

За прват после толку години барање се воспостави услугата на поддржано живеење во заедницата, се отворија мали групни домови, се воведоа голем број индивидуализирани услуги, како личната асистенција и помошта во домот, кои со сигурност овозможуваат ние, лицата со попреченост, да бидеме активни граѓани кои придонесуваат во развојот на сопствената заедница.

Истовремено започнати се активности за професионална рехабилитација и тоа е реалност овде кај нас во Струмица, со која ќе ни се зајакнат способностите и ќе ни се олесни и влезот на пазарот на трудот.

Се надеваме дека оваа успешно започната приказна продолжува и дека во иднина со уште поголем мотив и со наша вклученост ќе ги продолжиме активностите кон исполнување на обврските преземени со Ратификацијата на Конвенцијата за правата на лицата со попреченост.

Ќе го продолжиме започнатиот процес на деинституционализација, односно преселба на лицата кои живеат во старите и заборавени институции во поддржано живеење во локалните самоуправи, согласно желбите и барањата на лицата кои се уште се таму.

Дополнително во наредниот период, односно во 2021 година за 15% ќе се зголемат и за користење на личната асистенција ќе се спушти од 18 на 6 години со што ќе се поддржи инклузивното образование.

Пристапноста на сите јавни инстиуции ќе заврши до 2024 година за конечно да имаме еднаков пристап до сите права и услуги.

Со овие процеси не само што ќе го подобриме нашето живеење , туку ќе ги развиеме и услугите од секторите здравство, образование и социјална заштита кои ќе одговорат на нашите потреби.

Воедно со ова ја менуваме и свеста кај целото општество за различностите помеѓу сите нас и дека различностите не се ниту опасни, ниту страшни и дека треба да научиме да живееме заедно и да ги почитуваме правата на другите околу нас.

Во делот на грижа за лицата со попреченост, СДСМ покажа многу.

Со транспарент во рацете, струмичкиот актер и активист против отворањето на рудникот за злато и бакар Иловица-Штука, Стојан Велков-Трн, четврти ден по ред самоиницијативно протестира на плоштадот во Струмица, незадоволен од тековната ситуација со рудникот и, како што самиот напиша, нефункционалноста на сите чинители во процесот.

Велков секој ден во периодот од 20:00 до 21:00 часот е присутен на струмичкиот плоштад каде му се приклучуваат и други граѓани и активисти кои се согласни со неговите ставови. Тој добива поддршка и од случајни минувачи.

Во последните 24 часа од направените 1794 тестирања, регистрирани се 163 нови случаи на ковид-19, меѓу кои еден во Струмица. Станува збор за 41-годишна жена од Дабиље и е поврзана со познат кластер.

Во Струмица во моментот активни се 10 пациенти позитивни на коронавирус, од вкупно 18 лица што беа регистрирани досега.

Според информацијата на Министерството за здравство, во Македонија 8 пациенти починале во изминатите 24 часа, а Институтот за јавно здравје денеска регистрира 230 оздравени лица.

Во рамките на предизборните активности на политичките партии, Унијата на млади сили од Струмица синоќа на Спомен костурницата над градот организираше трибина на тема „Македонската надворешна политика и европските интеграции”.

На трибината говореа потпретседателот на ВМРО-ДПМНЕ и носител на листата за пратеници во четвртата Изборна единица од Коалицијата „Обнова на Македонија“, предводена од ВМРО-ДПМНЕ, Александар Николоски, поранешниот вицепремиер за евроинтеграции и поранешен амбасадор во САД, професорот Васко Наумовски, како и Викторија Трајкова, координатор на канцеларијата за меѓународни односи на ВМРО-ДПМНЕ.

„На трибината како потпретседател на УМС ги споделив искуствата и работата на УМС на полето на меѓународната политика од конференциите ширум Европа и соработката со нашите сестрински партии во Европа“ – информираше Владимир Ристов, кандидат за пратеник во Изборната единица 4 од ова партија, порачувајќи им на младите на 15 јули да го заокружат бројот 14 и да изберат Обнова и Европска иднина за Македонија.

Вчера во 11:50 часот од улицата „Младинска“ во Струмица се случила сообраќајна незгода во која товарно возило „Рено Мастер“, со кочански регистарски ознаки, управувано од С.С. (27 години) од Кочани, удрило во патничко возило „Алфа Ромео“, со струмички регистарски ознаки, управувано од Б.Б. (26) од Струмица и во паркирани патнички возила „Цитроен Ц4“, со струмички регистарски ознаки, и „Фолксваген Поло“, со бугарски национални ознаки. Притоа, од полициски службеници од СВР Струмица во возилото „Рено Мастер“ биле пронајдени 32 мигранти, од кои 15 од Авганистан, девет од Пакистан, шест од Бангладеш и по еден од Сирија и Ирак – информираат од СВР Струмица.

По незгодата, во болницата во Струмица биле пренесени 8 мигранти, при што кај двајца биле констатирани тешки телесни повреди, а кај шестмина телесни повреди.

Возачот С.С. бил приведен и задржан во Полициската станица Струмица.

По целосно документирање на случајот против него ќе биде поднесена соодветна пријава, а мигрантите се сместени во Прифатниот транзитен центар Винојуг.