Доцна попладнево околу 18:00 часот на локалниот пат од Струмица кон Царевите кули, кај „двата пата“, автомобил излетал од патот во провалија.

Според објавата на Министерството за здравство од новозаболените лица со ковид-19 во изминатите 24 часа, Струмица е со 11 лица, најмногу досега во едно деноноќие од кога започна пандемијата.

Во последните 24 часа на ниво на цела држава направени се 1507 тестирања, а регистрирани се 140 нови случаи на ковид-19.

Струмица со уште четири нови случаи со ковид-19 и еден оздравен пациент. Според денешниот ковид-билтен на Министерството за здравство, во изминатите 24 часа од направените 1542 тестирања,  регистрирани се 142 нови случаи на ковид-19.

Пенлива декорација во фонтаната на булеварот „Маршал Тито“ во Струмица, утрово ги изненади струмичани. Некои граѓани коментираат дека се дезинфицираат фонтаните, други пак дека убаво изгледаат и вака фонтаните, но од ЈПКД „Комуналец“ велат дека ова е дело на некои несовесни граѓани.

Утрово на Спомен костурницата над Струмица беше одбележана 76-годишнината од ослободувањето на градот. За празникот, говореше градоначалникот на општина Струмица, Коста Јаневски.

„Слободна Струмица значи слободни струмичани. Слободна Струмица значи богатство со непроценливо значење. Слободна Струмица значи можност за сите нас да го чуваме, разубавуваме и надградуваме градот во кој сме родени, или во кој живееме. Тоа е наша задача, тоа е наша обврска, тоа е наш завет за генерациите пред нас, а кои сме го презеле како аманет од генерациите зад нас. Ете затоа, 11. Септември – Денот на ослободувањето на Струмица е ден што треба да го цениме и да го чуваме од заборавот. Така се сака градот, така се љуби татковината“ - кажа градоначалникот Јаневски.

Здружението за медиумска писменост Медија Флеш започнува со реализација на проектот „Читај меѓу редови и биди медиумски писмен“ финансиран и поддржан од стрaна на Општина Струмица.

Овој проект има за цел зголемување на свеста на младите во општина Струмица за критичко размислување преку мотивација за креирање на сопствен став и одговорно изјаснување во јавноста, со користење на аргументи и компетентност, препознавање лажна вест, особено во време на КОВИД-19 пандемијата.

Во рамките на овој проект ќе се едуцираат 50 средношколци за штетно влијание од медиумски манипулации во трите средни училишта, особено во време на КОВИД 19 и ќе се зајакнат капацитети на еден веб портал и радио за продукција на содржини подготвени од 50-те средношколци, посветени на специфични теми креирани на работилници, поврзани со јавното здравје и младите.

Синоќа на регионалниот пат Струмица – Банско се случила сообраќајна незгода помеѓу „Ауди“, управувано од жител на радовишкото село Ораовица и „Голф“, што го управувал жител на селото Куклиш.

Откако се судриле, после ударот патничкото возило „Ауди“ слетало надвор од патот, додека голфот се извртел на коловозот и удрил во сообраќаен знак. Во несреќата и двајцата возачи се повредени и пренесени во болницата во Струмица за укажување на неопходната медицинска помош.

Министерството за здравство информира дека во последните 24 часа се направени 1410 тестирања, а регистрирани се 121 нови случаи на ковид-19 . Три лица од Струмица се новозаболени, а двајца денеска се евидентирани како оздравени пациенти од ковид-19. Во Струмица активни се 31 заболено лице.

Вчера околу 18:30 часот на регионален пат Струмица - Валандово, во близина на Валандовско брдо, трактор „ИМТ 529“ со струмички регистарски ознаки, управуван од К.Ч. (54) од село Костурино, струмичко, изгубил контрола и удрил во земјен брег покрај патот – информираат од СВР Струмица.

Во предвечерието на празникот на градот Струмица, на 10-ти септември од 17:00 до 20:00 часот, струмичанецот Марјан Ѕингаров во Софија, Бугарија ќе ги промовира своите уметнички дела.

„Изгубени простори“ е насловот на новата самостојна изложба на Ѕингаров, која е составена од околу 20 сликарски дела, со кои тој го покажува најкарактеристичното од своето творештво во последните неколку години.

Настанот ќе се одржи во КИЦ на РСМ во Софија, во услови на целосно почитување на соодветните мерки за справување со КОВИД-19.

Денеска започна реконструкцијата на отвореното спортско игралиште во четвртата урбана заедница во градот во близина на СВР Струмица. Покрај просторот на игралиштето, со овој проект е опфатена и реконструкција на околните тротоари и уредување на зелените површини. Овие зафати треба да завршат за три месеци, информираше градоначалникот на Струмица, Коста Јаневски.

Во последните 24 часа направени се 793 тестирања, а регистрирани се 72 нови случаи на ковид-19. Починаа три лица, пациентка од Струмица (44 години), пациент од Гостивар (58 години), веднаш по прием и еден пациент од Охрид (79 години). Денеска Институтот за јавно здравје регистрира 54 оздравени пациенти – информираат од Министерството за здравство.

Годинава во поинаков амбиент, на отворено во големиот Градски парк во Струмица, на импровизираната сцена покрај езерцето, актери од театри во Македонија ќе изведуваат претстави, како дел од годинашното издание на Фестивалот за камерен театар „Ристо Шишков“.

Покровителот, градоначалникот на Струмица, Коста Јаневски го отвори 28-то издание на овој меѓународен фестивал, кој поради ситуацијата со пандемијата ќе биде без учеството на странските актери.

„Актерот над актерите, големиот Ристо Шишков, повторно не собра на едно исто место, и покрај неговото долгогодишно физичко отсуство. Но неговата духовна присутност останува во спомените за него и за неговата раскошна актерска оставнина, но и во постоењето на фестивалот кој гордо го носи неговото име“ – кажа градоначалникот Јаневски.

Во Собранието на Република Северна Македонија, денеска по повод Денот на независноста беа врачени традиционалните награди „8-ми Септември” со кои им се оддава признание на спортисти, тренери и спортски работници за нивната работа и остварувањата.

Меѓу петте добитници е и струмичанецот Сократ Ефтимовски за остварување во областа на спортот (борење) во 2020 година. Наградата за животно дело за исклучителен придонес во развојот на спортот ја доби Љуљзим Вренези.

Со пригодна свеченост пред споменикот на Гоце Делчев на струмичкиот плоштад, Општина Струмица го одбележа 8 септември – Денот на независноста на Република Македонија.

За значењето на овој голем празник на македонската историја, говореше градоначалникот на општина Струмица, Коста Јаневски, истакнувајќи дека денеска одбележавме 29 години самостојност, независност, сувереност и исто толку години стремеж кон поубавото утре.

Општина Струмица од денеска објави Јавен повик за распределба и доделување на општински просторииза времено користење во поранешната касарна во Струмица на граѓанските организации кои работат на територијата на општината. За користењето на просториите нема да плаќаат наемнина, туку само ќе си ги покриваат режиските трошоци.

Според Тони Милушев, раководител на Одделението за локален економски развој, во рамките на една од многу битните заложби на градоначалникот Коста Јаневски заедно со општинската администрација е да се реализира концептот Струмица грижлив град со единствена цел да се создадат услови и механизми за институционална поврзаност помеѓу општината и граѓанскиот сектор, како и останатите релевантни чинители во градењето на локална заедница со еднакви можности за сите.