Во последните 24 часа направени се 2140 тестирања, а регистрирани се 408 нови случаи на ковид-19. Најмногу во Скопје 227, додека во Струмица бројот на новозаболени изнесува 18 лица.

Во последните 24 часа се направени 771 тестирања, а регистрирани се 161 нови случаи на ковид-19. Во Скопје 90, во Струмица 8.

Починати се 12 лица, 7 пациенти од Скопје (56, 86, 71, 57, 41, 86 и 82 години), пациент од Струга (67), од Тетово (85), од Битола (68), од Кавадарци (56) и пациент од Прилеп (63). Сите пациенти се починати во болнички услови.

Денеска Институтот за јавно здравје регистрира 154 оздравени пациенти од кои 10 и во Струмица.

Од Противпожарната единица на Струмица информираат дека денеска околу 13:00 часот четворица пожарникари со две противпожарни возила интервенираа во атарот на село Дрвош, општина Босилово, каде гореше сува трева и нискостеблеста шума со површина од околу 2 хектари.

Попладнево во 14:20 часот на улицата „Младинска“, ТППЕ Струмица со едно противпожарно возило и тројца пожарникари интервенираше на гаснење на запалена плинска боца.

Веќе 28 години градежниците од струмичкиот регион организираат средба и го чествуваат празникот, својот патрон Свети Тома – заштитникот на градежниците. И годинава повторно во Манастирот „Св. Богородица Елеуса“ во Вељуса.

Кумот на годинашнава манифестација и организатор на денешната прослава, Марин Крстевски од компанијата „Евростил-М“ Струмица, кумството за наредната година го предаде на Антонио Атанасов од „Мајстор Компани“ Босилово.

Две максимални победи од 3:0 за три дена во првите две кола во новиот шампионат за успешен почеток на струмичките одбојкари.

ОК „ЏИО Струмица“ на гости кај ОК „Весна Пробиштип“ победија со 3:0 во сетови (12:25, 19:25, 11:25).

Во последните 24 часа од направените 1853 тестирања, регистрирани се 428 нови случаи на ковид-19. Во Скопје 200, Тетово 30, Прилеп 29, Кавадарци 17, Куманово 16, Гевгелиа 15, Битола 14, Кочани 12, Струмица 11... Со ова бројка Струмица е со 360 активни случаи на ковид-19 кои се лекуваат во болнички и домашни услови.

Починале 10 лица, двајца пациенти од Скопје (60 и 66 години), еден од Куманово (64), двајца пациенти од Прилеп (57 и 87 години), двајца од Тетово (75 и 53 години), еден од Струга (55), еден од Струмица (83) и еден пациент од Крива Паланка (80).

Македонскиот репрезентативен голман од „Арсенал“, струмичанецот Дејан Илиев, кој е на позајмица во „Шрусбери таун“ и настапува во првата англиска лига, дебитираше за неговиот клуб кој триумфираше минимално со 0:1 на гостувањето кај екипата на „АФЦ Вимблдон“.

Значаен придонес во освојувањето на трите важни бода имаше токму нашиот чувар на мрежата со неколку одлични одбрани, а пофалби доби и од противникот после овој натпревар.

Уредувањето на просторот околу манастирот „Св. Леонтиј“ во Водоча, кое започна во месец мај годинава, се врши според планираната динамика.

Целокупниот простор околу манастирот ќе биде амбиентално вклопен со манастирот, поплочен е со реден камен, хоритултурно уреден, со заштитни и украсни огради, со парк, шеталиште, осветлување и урбана опрема.

Вчера околу 07:30 часот на магистралниот пат Струмица - Ново Село, кај Босилово, се случила сообраќајна незгода помеѓу работна машина за сечење дрва, управувана од Б.Џ.(40) од Струмица и патничко возило „Опел Астра“, со струмички регистарски ознаки, управувано од С.Д.(21) од Петралинци, струмичко, информираат од СВР Струмица.

Во незгодата со тешки телесни повреди се здобил возачот на работната машина, а со телесни повреди се здобиле сопатниците од работната машина К.С. и С.Д., констатирани во болницата во Струмица.

Во организација на Отсекот за превенција и ПС за БПС Струмица при Секторот за внатрешни работи во Струмица, а во партнерство со РСБСП, денеска во населените места Дабиље и Банско се спроведе превентивна активност во рамките на проектот „Управувај безбедно со земјоделски машини“, со делење и поставување флуоросцентни налепници на тракторски приколки, се со цел поголема видливост и безбедност во сообраќајот.

Станува збор за акција која што започна од минатата недела се со цел да се подигне свеста кај возачите на земјоделска механизација, но и кај останатите учесници во сообраќајот, бидејќи по патиштата во струмичкиот регион, поради извршување земјоделски работи, по патиштата честопати се управуваат трактори и друг вид земјоделска механизација.

По повод „Неделата на солидарноста“, денеска на 18 локации во шест градови во Македонија, меѓу кои и во Струмица се одржи Националната хуманитарната акција „Нахрани 10.000“, за собирање храна, која е во организација на Мрежата „Сите сити“ во координација со „Ајде Македонија“.

Денеска во Струмица во рамките на оваа акција, пред „Киси Маркет“ во населбата Карпош, Здружението на граѓани за помош и поддршка на лица со Даун синдром „Вера“ постави пункт, на кој хумани граѓани донираа храна, и се собра околу 120 килограми прехранбени производи, кои во текот на наредните денови ќе биде поделена на семејства во кои живеат лица со попреченост.

Во последните 24 часа од направените 2617 тестирања, регистрирани се 594 нови случаи на ковид-19. Најмногу во Скопје 303 лица, а во Струмица 34 нови случаи.

Од оздравените 162 пациенти, во Струмица се евидентирани 12 оздравени пациенти.

Во болнички услови починале тројца пациенти. Од Куманово (70), Прилеп (67) и Богданци (75).

Сообраќајот на патничките и товарните возила од Струмица и Радовиш кон Скопје времено ќе се пренасочи низ Штип заради изградба на мост на реката Брегалница и изградба на делницата кон Три Чешми. Вака најави директорот на ЈП Државни патишта, Зоран Китанов, кој заедно со министерот за транспорт и врски, Благој Бочварски беа на увид на изградбата на експресниот пат Радовиш - Штип.

„За да може да се интензивираат работите на делницата од Три Чешми до мостот на реката Брегалница ќе се затвори обиколницата за да може место за година дена ова делница да се изгради за 6 месеци” – кажа Китанов.

Изградбата на експресниот пат Радовиш - Штип, со должина од 40,41 километар и вредност од преку 42 милиони евра, се реализира во две фази. Градежните работи се одвиваат со силен интензитет и се очекува екпспресниот пат да биде завршен и пред предвидениот рок. Изградбата на првата делница, од Штип до Бучим е во завршна фаза, поголемиот дел е веќе асфалтиран, осветлувањето е поставено и во моментов се монтираат еластичните огради.

„Сиромаштијата е една од најтешките состојби за било кое општество. Вие граѓаните најдобро знаете дека не само зборот, туку и делата за искоренување на сиромаштијата се нашиот секојдневен мотив.

И не само на Светскиот ден на борбата против сиромаштијата, туку секој ден. И не само заради социјалдемократските вредности, туку заради човечноста.

Делата во изминативе години ги насочивме кон подигнување на животниот стадард и намалување на трошоците за граѓаните а со тоа и стапката на сиромаштијата.

Минималната плата ја зголемивме на 14.500 денари, односно дури за 5.500 денари повеќе од минимумот кој дотогаш го примаа текстилците, кожарите, чевларите за својот тежок труд.

Социјалната реформа направи пресврт во начинот на кој државата се грижи за социјално-ранливите, и го подобри животот на околу 300.000 граѓани. Социјалната помош се зголеми и до 300 отсто. За три пати е зголемен опфатот на деца кои добиваат детски и образовен додаток. Денес над 22 илјади дечиња ги користат детските мерки со што ги извлекуваме од синџирот на детската сиромаштија.

Државата не ги заборави и не ги остави на цедило и стечајците, за кои обезбедивме месечен надоместок, исто како што обезбедивме државна пензија за оние кои не ги исполнуваа условите за редовна пензија.

Тоа се дела кои докажуваат дека се грижиме за сите.

Во последните 24 часа направени се 2306 тестирања, а регистрирани се 438 нови случаи на ковид-19. 200 во Скопје, 30 во Струмица со кои во моментот активни се 334 лица.

Меѓу шест починати во болнички услови и еден струмичанец на возраст од 64 години.

Од ЕВН Македонија – КЕЦ Струмица информираат дека во недела, 18 октомври ќе има прекин на електричната енергија и тоа:

Од 07:00 до 10:00 часот - Дел од Индустриска зона Север, Ново Добрејци, Никомил, Мебел 2000, Нипром, Карло, Бомјански, Бресто, Мебел 11-Септември, Татлатката, Индустриска зона Василево, Хелена, Елко-Инг, Градошорци, Ангелци, Индустриска зона Градашорци.

Од 10:00 до 13:00 часот - Тритерол на Просенички пат и Расадник кај Просениково.

Од 13:00 до 16:00 часот - Дел од Индустриска зона Север (Габро ДООЕЛ, Медитеран, Неимар, Рима-Комерц, Таргет ДОО, Конинг-градба, Фико-пласт, ДИА-2, Свишинокс, Мега-принт, слаткарница Карамела, Холанд-фарминг, Црвена Ружа, кванташки пазар), и краткотрајни прекини во Ангелци, Седларци, Вељуса, Водоча и Баница.

Од 16:00 до 19:00 часот - Дел од Василево, дел од Ново Добрејци (Ребека ДООЕЛ, Сеча ДООЕЛ, Ки-Бо Комерц и други), Старо Добрејци, Роко-2000, Нави-Пром и фабриката за мебел Ал-Мак.