Одлична улична атмосфера на синоќешниот „Street summer jam“ со „One Way Dance Studio“ во рамките на „Струмица ОПЕН фестивал 2019“.

Доне Киров, Тоти Николов, Игор Митев и Јана Мицева беа артистите кои го збогатија „street art“ ќошето.

Атмосферата кулминираше со битките во танцување за деца и јуниори, а за крај, членовите на студиото „One Way“ ја почестија публиката со свои групни кореографии на сцената кај СОУ „Јане Сандански“ во Струмица.

ФОТОГАЛЕРИЈА

Во срцето на градот, покрај големиот градски парк, пицерија „Бонита“ од Струмица веќе цели 25 години е сврталиште за оние кои сакат врвна услуга, квалитетна и вкусна храна, одличен амбиент и беспрекорна гостопримливост.

Од мала пицерија, „Бонита“ сега стана вистински центар за одмор, релаксација и вкусен залак. Од година во година овој ресторан постојано се надоградуваше во интерес на гостите и сите кои знаат што е квалитетна пица, со голема палета на специјалитети и неверојатен амбиент кој наликува на ресторан од светските метрополи.

Пицерија „Бонита“ по повод јубилејот 25 години постоење од синоќа блесна во ново руво притоа задржувајки ги сите епитети на вистински пица ресторан за кои отоворено зборуваат, ресторан кој постојано излегува во пресрет на гостите и посетителите за сите сладокусци, за гурманите, за жедните за незаборавна забава.

Пицерија „Бонита“ во сопственост на Боби и Рони Јаневи, отворено најавуваат дека и во иднина ќе бидат во функција на сите посетители, бидејќи секој гостин за нив ќе биде привилегија да биде вистински услужен во пријатна и одлична атмосфера со огромна понуда на специјалитети и беспрекорна услуга.

„Бонита“ како и досега, така и во иднина ќе има дневна и ноќна шема, стои за организирање семејни прослави, а во вечерните часови не се исклучува можноста да има забава со музика во живо пред се за одлично расположение на гостите.

ФОТОГАЛЕРИЈА

Викендот во Струмица на општинското игралиште со вештачка трева „Филип Лазаревски“, се одржа вториот Меморијален турнир во чест на починатиот млад фудбалер на „Академија Пандев“, Филип Лазаревски.

Победник е екипата на Фудбалската Федерација на Македонија, а на турнирот, кој е од меѓународен карактер, учествуваа четири екипи. Освен екипата на ФФМ, составена од фудбалери од фудбалската паралелка од Скопје, настапија и фудбалерите родени 2002 на ФК „Академија Пандев“, генерацијата каде настапуваше Лазаревски, ФК „Реал Ниш“ од Србија и ФК „УВВ Утрехт“ од Холандија.

Турнирот се играше по форматот секој со секого, при што секоја екипа одигра по три натпревари. Селекцијата на ФФМ со три победи и вкупно 9 освоени бода беше најдобра и го освои турнирот. Втори беа домаќините, фудбалерите на „Академија Пандев“, третото место го освоија гостите од Србија, екипата на „Реал Ниш“, а последен на турнирот беше тимот од „УВВ Утрехт“ од Холандија.

За најдобар голман на турнирот е прогласен Димитрија Стевановиќ од тимот на „Реал Ниш“, признанието најдобар играч го доби Мете Максимов  од селекцијата на ФФМ, а за најдобар стрелец е прогласен Кире Митков од „Академија Пандев“.

Наградите и признанијата на најдобрите екипи и поединци им ги доделија претставници од семејството на Филип Лазаревски, но и од „Академија Пандев“.

Синоќа се трчаше по улиците на Струмица, отворен 8-от „Струмица ОПЕН фестивал“ со полумаратонот „Струмица на улица“, на кој точно 427 натпреварувачите трчеа на 5, 10 и 21 километар.

Ова е двојно повеќе натпреварувачи за разлика од минатата година, а учествуваа рекреативци и професионалци не само од Македонија, туку и од Велика Британија, Португалија, Словенија, Бугарија и Србија.

Од годинава овој маратон, кој по втор пат се одржа беше со хумана димензија. Претставниците на компаниите ЕВН, ВИП, Адиент, Жикол, Стопанска, Булевар Кафе, Проспера, Портланд, Мегантик, Power AD, Аутсорс Консалтинг Сервис и GoFit, трчаа и за младиот струмичанец Томе Јанев, за секој помина километар донираа по 10 денари и собраа вкупно 10.500 денари.

Хуманитарно трчаа и 20-тина ученици од тимот на наставничката Билјана Гунова од ООУ „Никола Вапцаров“.

„Драго ни е што бројот на учесници е дупло поголем од минатата година. Трчаа претставници на многу локални компании, многу рекреативци од Струмица и цела земја. Особено ни е драго што „Струмица на улица” во својата втора година од одржување имаше 50-тина интернационални учесници” - рече Миле Ѓеоргиев од „Културен забавен живот“, организатор на СОФ.

Еве ги најдобрите на полумаратонот „Струмица на улица 2019“:

21КМ - женски
прво место: Адријана Поп Арсова (АК Делта)

второ место: Билјана Кираџиева (AC Endurance - Скопје)
трето место: Миљана Ристиќ (АК Делта)
21КМ - машки
прво место: Деан Атанасов (Азимут Бугарија)

второ место: Александар Кираџиев ( AC Endurance - Скопје  )
трето место: Игор Јакимовски (АК Делта)
10КМ - женски
прво место: Силвана Вељуслиев

второ место: Марија Донева (Green Power)
трето место: Ивана Настовска (ОК Златоврв)
10КM - машки
прво место: Alasdair Coupar (NRC - NIKE + RUN CLUB), Велика Британија

второ место: Бојан Митев
трето место: Кико Нистров (АК Струмица)
5КМ - женски
прво место: Елена Даниловска
второ место: Сара Ромих (Словенија)
трето место: Лидија Марков (ААК Скобул)
5КМ - машки
прво место: Димитар Петровски

второ место: Ријат Шеипи (АК Лирија)
трето место: Тодор Анчев (АК Струмица)

ФОТОГАЛЕРИЈА

По втор пат како дел од програмата на Струмица Опен Фестивал, вечерва во дворот на СОУ „Јане Сандански“ - Струмица ќе се одржи Street Summer Jam, наменет за љубителите на урбаната култура.

Домаќини на настанот се членовите на локалното танцово студио „One Way“ а ќе присуствуваат и домашни графити артисти, како и локалниот рап артист Кискинов со свој DJ сет. Настанот ќе биде збогатен со street shop, custom T-shirt и возбудливо детско катче.

Посетителите на настанот ќе проследат танцови битки познати за хип хоп културата, а најдобрите во истите ќе добијат и награди. Настанот започнува од 19:00 часот.

Познатата очна оптика „ISAJ Optics“ од синоќа на нова локација во Струмица, со нов модерен објект, спроти кружниот тек кај новата зграда во изградба „Г’НА“.

„ISAJ Optics“ Струмица на своите клиенти им нуди широк асортиман од светски познати брендови на очила за вид и очила за сонце. Преовладуваат весели бои и откачени модели во тренд со времето.

Внимателно одбрани производи со проверен квалитет, следејќи ги најстрогите критериуми на струката и естетиката. Оптички стакла со супериорни заштитни слоеви од електромагнетно зрачење, совршени мултиантирефлексни слоеви…

„ISAJ Optics“ располага и со висококвалитетни од најсовремената генерација на апарати за прегледи и одредување диоптрија, како и за изработка на леки.

Оваа лето и секое наредно, важно е само едно, бидејќи зрачењето е интензивно и неретко опасно, од „ISAJ Optics“ препорачуваат само квалитетно заштитно стакло за сонце, а изборот пак нека остане секому занимација.

„Струмица ОПЕН фестивал 2019“ почнува утре и ќе трае до 18 август. Богато културно, спортско и забавно лето најавуваат организаторите, здружението „Културен забавен живот“ и покровителот, градоначалникот на Струмица, Коста Јаневски.

На денешната прес конференција, Печков и Јаневски ја презентираа целата програма. Ќе има дури 30 настани во следните десет недели. Стартот на СОФ ќе се стартува со трчање по улиците на Струмица, односно со полумаратон „Струмица на улица“ со над 400 учесници.

Месец јуни е во знакот на спортот и спортските активности. Ќе се одржат пет спортски настани на различни локации, а освен во градот, СОФ и на Царевите кули и планината Беласица.

Трката на келнери, јубилејно по 10-ти пат на плоштадот во Струмица, на 8 јули со нови трки и предизвици за келнерите. Традиционално ќе има и Вечер на поезија, Вечер на афоризми, Ликовна работилница, филмски проекции покрај езерцето на неколку анимирани филмови од домашни режисери и проекција на филмот „Господ постои, името и е Петрунија“. Овие културно-уметнички настани ќе се случуваат во месец јули.

Во средината на месец август Струмица ќе пулсира во ритамот на 40 артисти од Македонија и странство. Ќе бидат активирани двете музички сцени и тоа: мала сцена „Чешмичка“ од 9 до 15 август и голема сцена плоштад „Гоце Делчев“ од 16 до 18 август.

Во месец август на малата музичка сцена кај „Чешмичката“ ќе настапат Игор Џамбазов & Гуру Харе, а локална поддршка ќе биде Јовче Пандев. Тука ќе бидат и АРЕА, нивна локална поддршка е младиот авторски бенд Дактили.

На Џез вечерта ќе настапат Летечки пекинезери и Дактили. Камерниот оркестар на Битола ќе гостува со James Bond симфонија, а локална поддршка ќе им бидат Dismissed/Дисмисд. 

Традиционално и летната школа за гитара со уникатна гитарска симфонија на менторите Васко Пиличев и Дамјан Пејчиновски.

После подолго време ќе се одржи „Вечер во чест на Тоше Проески“. Неговите хитови ќе бидат отпеани од солистите Александра Јанева, Васил Гарванлиев и Марко Логаут.

На затворањето на малата сцена кај Чешмичката, на 15 август, градот ќе пулсира во ритамот на турнејата која споделува една љубов преку границите на Северна Македонија и Бугарија.

„Верувам дека годинава СОФ ќе го забрза ритамот на градот и на свој веќе препознатлив начин ќе ги разубави летните ноќи на 13-те отворени локации во Струмица и околината. Особено задоволство ми претставува тоа што фестивалот бележи огромен раст на бројноста и квалитетот на настаните. Од фестивал со 7-дневна програма денес сме тука за да презентираме програма од тримесечно културно лето. Интернационалните гости, не само како дел од програмата, туку и како посетители кои ги полнат хотелските капацитети во месец август се вистински показател за растот на оваа манифестација во силен струмички бренд. Општина Струмица и Советот на Општина Струмица продолжуваат со поддршка на фестивалот која и годинава изнесува 3 милиони денари со цел  Струмица ОПЕН Фестивал и во годините кои следуваат да го оддржува и надградува воспоставеното ниво на квалитет, преку организирање на поголеми и побројни настани и обезбедување на настап на уште попознати музички ѕвезди“ – изјави на денешната прес конференција, градоначалникот на Струмица, Коста Јаневски.

Балканската ѕвезда Северина ќе биде повторно дел од завршните забавни вечери на „Струмица ОПЕН фестивал 2019“, кои ќе се случуваат на 16, 17 и 18 август на плоштадот во Струмица. Точно после 6 години Северина ќе има двочасовен концерт во живо. Повторно на „Струмица ОПЕН фестивал“ ќе пејат и Жељко Самарџиќ, Бени и Нон Стоп.

На СОФ доаѓа стариот состав на Бијело Дугме, Горан Бреговиќ, Ален Исламовиќ и Младен Војичиќ Тифа, тука се и пејачи од шоуто „Никад није касно“ во придружба на Јупитер, како и Перо Христов, Дарио, Мирза Селимовиќ, 2Бона и Tightbrats & Tommy Tassev.

Во петок на 16 август, фестивалскиот викенд ќе започне со настапите на Brass Brothers, Перо Христов со неговиот јубилеј - 50 години кариера, Јупитер и гости од „Никад није касно“ и Жељко Самарџиќ.

Во сабота на 17 август, свои концерти ќе одржат Дарио, Бени и НОН СТОП и хрватската и балканска ѕвезда Северина.

Спектакуларниот фестивал ќе заврши на 18 август со 2Бона, Мирза Селимовиќ и Горан Бреговиќ со Бијело Дугме.

Градоначалникот на општина Струмица, Коста Јаневски, вчера од населеното место Добрејци, каде се поставува нов асфалтен слој на главната улица, најави почеток на нова градежна офанзива во општината, односно реализација на инфраструктурни проекти како во градот така и во населените места на територијата на општината Струмица.

Според најавите на Јаневски, освен во Добрејци каде се асфалтираат две улици, ќе се работи и во Куклиш, но и во села. Паралелно се работи и во градот на повеќе позиции.

„Во тек е реконструкција на тротоари на улицата „Ѓуро Салај“ и на улицата „Климент Охридски“ и на еден дел од улицата „Младинска“, а планираме и асфалтирање со втор слој на делницата од семафорите пред трговскиот центар „Глобал“ до улицата „24-ти Октомври“, кој е еден доста руиниран дел. Асфалтирање околу популарно наречениот кружен тек „Бурчо“ и исто така многу важно асфалтирање со втор слој и реновирање на улицата „Бетовенова“ во Турското маало, каде што е започната подготовката и изведбата на еден подолг потпорен ѕид, којшто заради конфигурацијата на самиот терен е малку сложен за изведба“ - рече Јаневски.

Градоначалникот Јаневски при посетата на изведбените работи во Добрејци најави и други градежни активности што се случуваат или пак допрва ќе се реализираат во општината, додека средствата се обезбедени главно од сопствениот Буџет, но и во соработка со Центарот за развој на Југоисточниот плански регион, како и државните институции.

Синоќа во рамките на манифестацијата „Средби под јаворите“, која по 18-ти пат се одржува во Струмица и Колешино, а во чест на познатиот писател за деца Видое Подгорец, се одржа настан посветен на веќе заборавените детски игри од маалото, улиците...

На сцената на Центарот за култура во Струмица, ученици од основни училишта ги играа познатите детски игри, „Царе говедаре“, „Нек се бие...“, „Долга магарица“, „Штркот бира боја“, играа и пееја детски песнички...

Познати писатели за деца на сцената им се претставија на најмладата публика присутна во големата сала на Центарот за култура „Антон Панов“.

Од утринава пак, на денот на 85-тиот роденден на Видое Подгорец, ученици од Струмичкиот регион беа во посета на куќата каде е роден, во селото Колешино, а во тамошното основно училиште, кое го носи неговото име, ќе бидат свечено доделени наградите по распишаниот литературен конкурс на слободна тема, на кој пристигнале околу 200 творби од над 120 училишта од државата.

Денеска, на последниот ден од манифестацијата планирани се и заеднички дружења со посета на Колешинскиот водопад и пикник во училиштето.

ФОТОГАЛЕРИЈА

Од денеска до 9 јуни, Струмица е домаќин на 27-та „ДОМИЈАДА 2019“ на студентските и ученичките домови во Македонија. Станува збор за натпреварувачка манифестација на која над 200 ученици и студенти од Македонија се натпреваруваат во мал фудбал, ракомет, шах и пинг-понг.

Покрај ученици и студенти, на манифестацијата присуствуваат и директори на студентски и ученички домови од Србија, Хрватска, Словенија, Косово, Црна Гора и Бугарија.

На вечерашното свечено отворање, учесниците и гостите ги поздравија претседателот на Здружението на директорите од ученичките и студентските домови во Македонија, Дарио Николовски и заменик министерот за образование и наука, Петар Атанасов.

Добредојде на младите и гостите од повеќе земји им посака градоначалникот на градот домаќин Струмица, каде за прв пат се одржува оваа манифестација, градоначалникот Коста Јаневски.

„Меѓу многуте епитети кои ги има нашиот град, се и тие кои потврдуваат дека Струмица е град на вечната пролет, но и град на младоста, спортот и на културата. Па кога е веќе така, тогаш сте на вистинското место во вистинско време. Искрено се надевам дека на најубав можен начин ќе го почуствувате струмичкото гостопримство, но и позитивната клима која би била една од клучните фактори да го дадете вашиот максимум во спортските и креативните игри“ – рече градоначалникот Коста Јаневски, прогласувајќи ја годинашната тридневна „Домијада“ за отворена.

Свечената церемонија на отворањето на овие спортски игри, со свои музички нумери и изведби ја збогатија ученици од неколку ученички домови од нашата држава.

ФОТОГАЛЕРИЈА

Од вчера, Струмица и Колешино се домаќини на 18-тите „Средби под јаворите“, манифестација во чест на еден од најплодните македонски писатели за деца, Видое Подгорец.

Денеска во Црквата „Свети Петнаесет“ во Струмица, се одржа Научен симпозиум на тема: „Книжевната оставнина на Видое Подгорец – влог во издигнувањето на современата македонска литература во национален и меѓународен контекст“, на кој учествуваа и говореа писатели, литературни критичари и професори од македонските универзитети.

Доцен д-р Ана Витанова Рингачева смета дека Видое Подгорец не е соодветно третиран од научната јавност и поради тоа мислиме дека навлегувајќи длабоко во неговото дело можеме да извадиме на површина такви вистини коишто, верувајте имаат и универзални пораки.

Професорката Витанова Рингачева вели дека 85-годишнината од раѓањето на Видое Подгорец е навистина преубав повод за да му дадеме посебно значење, односно да почнеме да го разоткриваме и од научна страна, која досега беше маргинализирана.

Писателот за деца Киро Донев, вели дека Видое Подгорец е еден од нашите најплодни автори, има објавено 108 дела од сите жанрови, не само за деца, туку и за возрасни. Иако манифестацијата се одржа првпат во 2002 година, тој смета дека овојпат како да воскреснува повторно, бидејќи му се дава значење на неговото творештво.

Во рамките на манифестацијата „Средби под јаворите – Видое Подгорец“, попладнево во Струмичката библиотека се одржа Детска креативна книжевна работилница, со писатели и илустратори за деца од „Просветно дело“, а вечерва во 19:30 часот во НУЦК „Антон Панов“ е свеченото отворање на манифестацијата.

ФОТОГАЛЕРИЈА

„Струмица ОПЕН фестивал 2019“, стартува во недела, 9-ти јуни, со полумаратон „Струмица на улица“. Месец јуни во знакот на спортски активности кои организаторот на СОФ, Здружението „Културен Забавен живот“, ќе ги организира заедно со локалните спортски клубови.

На првиот настан во недела, полумаратон „Струмица на улица“, ќе учествуваат над 400 учесници и ќе трчат на 5, 10 и 21 километар, а според пријавите, ќе има од рекреативци до професионалци, но и актери, музичари, спортисти, млади лица и повозрасни како и амбасадори, политичари и вработени од повеќе компании кои со настапот ќе упатат порака за спортување и дружење, но и со секој поминат километар ќе донираат за младиот фудбалер Томе Јанев.

По завршувањето на маратонот од 11 до 13 јуни ќе се одржи кошаркарскиот турнир на игралиштето на СОУ „Јане Сандански“. Учество на турнирот ќе може да земат сите рекреативци и љубители на кошарката. Пријавувањето е во тек и ќе трае додека не биде исполнета бројката од 16 екипи. Во моментот пријавени се 13 екипи и има место уште за 3 екипи. Екипите треба да се состојат од 3 + 1 играч. Со плаќање котизација од 1.000 денари секој тим ќе добие по 4 дресови со кои ќе биде задолжително да се настапува на турнирот. Најуспешните три екипи ќе добијат награди од 18.000, 12.000 и 6.000 денари. Најкорисниот играч ќе добие награда од 3.000 денари. Нема да изостанат награди и за публиката. Музичка поддршка ќе бидат DJ Tom, DJ Popeye и Дивизија.

СОФ вело тура за љубители на велосипедизмот. Турата започнува од Струмица, се оди до Габровските водопади и се движи по патот Банско-Борисово. Трае еден ден, на 23 јуни со почеток од 10:00 часот. Тука е и настанот „Мистериите на Беласица“, настан со традиција од четири години со околу 250 учесници. Се состои од искачување на врвот Тумба, многу дружба, многу забава. Дводневен настан кој почнува на 29 јуни од 10:00 часот од струмичкото село Смолари.

Прв пат оваа година како дел од СОФ имаме настан насловен „Вежбаме во парк заедно со Елена“. Ќе се одржи на 17, 19 и 21 јуни со почеток во 19:00 часот во големиот Градски парк покрај езерцето. На настанот ќе бидат поканети членовите на аеробик клубот „Go Fit“, а учество може да земат сите заинтересирани рекреативци, вежбачи и спортисти кои сакаат да бидат дел од настанот.

Настанот Ноќни патеки - епизода „Цареви кули“, предвиден е како ноќно искачување со старт од малиот Градски парк, збирно место за велосипедисти и турата со пешачење, на 25 јуни од 19:00 часот. Турата која ќе ја предводат пешачите ќе оди преку патеката Ловен дом - Св. Илија - Цареви кули. Велосипедистите ќе се упатат директно до Цареви кули преку асфалтираниот пат.

Организаторите на овие спортски активности упатија јавна покана до сите струмичани да бидат дел од спортските активности со свое учество, но и со поддршка за спортски и здрав живот.

На граничниот премин Ново Село – Златарево на македонско-бугарската граница поради вчерашниот пожар, во кој изгоре административната зграда од бугарска страна, се пропуштаат само патнички возила. Товарниот сообраќај е во прекин.

Товарните возила се пренасочуваат кон граничните премини Ѓуешево – Деве Баир и Станке Лисичково – Делчево.

И бугарските и македонските царински служби апелираат граѓаните да го избегнуваат овој граничен премин за патување и да се упатуваат на другите гранични премини.

Во вчерашниот пожар целосно изгоре административната зграда од бугарска страна. Нема повредени лица, но е причинета огромна материјална штета. Уништени се многу документи. „БГНЕС“ пренесува дека вработените се обиделе да го изгаснат и локализираат пожарот, но не успеале.

„Царинската управа на Република Северна Македонија информира дека поради пожар на Граничниот премин „Златарево“ – Република Бугарија, дојде до застој и прекин како на товарниот, така и на патничкиот сообраќај на Граничниот премин „Ново Село/Златарево“. Поради настанатата ситуација, на овој граничен премин не се пропуштаат патнички и товарни моторни возила. Според информациите кои ги добивме од бугарска страна, прекинот или забраната за товарен сообраќај ќе трае неколку дена, но поради сериозноста на настанот не се во можност да информираат поконкретно. По добивање официјален став од нивна страна, дополнително ќе информираме кога ќе биде пуштен патничкиот и товарниот сообраќај. Им препорачуваме на сите граѓани кои патуваат кон Република Бугарија, да се пренасочуваат алтернативно на другите гранични премини се до оспособување за работа на граничниот премин Златарево – Република Бугарија“ - стои во соопштението од Царинската управа.

Според бугарските медиуми, пожарот избувнал околу 17:00 часот по бугарско време во административната зграда на Граничниот премин „Златарево“, на бугарската страна од границата со Македонија, кај Ново Село, струмичко. Првичните информации укажуваат за настанат краток спој од електричната енергија. Биле запалени кабли, а од тоа пластични панели од внатрешната страна на металната конструкција. Причинета е голема материјална штета, повредени нема.

Патниците од бугарска страна за Македонија ќе бидат пренасочувани кон граничните премини Станке, Лисичково и Ѓуешево.

Од СВР Струмица информираат дека денеска од 16:00 часот е затворен Граничниот премин Ново Село – Златарево, од бугарската страна, поради пожар на самиот граничен премин.

Граѓаните кои патуваат кон Република Бугарија да ги користат останатите гранични премини до добивање на известување од бугарска страна, дека истиот може да се користи повторно.

ФОТО: www.Struma.com