Од ЕВН Македонија – КЕЦ Струмица информираат дека утре (четврток, 8 октомври), од 09:00 до 13:00 часот без електрична енергија ќе останат: дел од Добрејци, Бомјански, Нипром, Карло, Бресто, Мебел 2000 и Никомил.

Униформирани полицајци од МВР Скопје, заедно со струмичките полицајци денеска на улиците во градот Струмица, но и на локалните и регионалните патишта во струмичкиот регион спроведоа акциска контрола на учесниците во сообраќајот, дали ги почитуваат сообраќајните правила и прописи.

Во последните 24 часа се направени 1990 тестирања, а регистрирани се 317 нови случаи на ковид-19. Само во Скопје 182 лица, додека во Струмица 12 новозаболени.

СВР Струмица поднесе шест кривични пријави против три приватни фирми од Струмица и тројца управители, поради постоење основи на сомнение за сторено кривично дело „непостапување според здравствените прописи за време на епидемија“.

Во рамките на проектот „Креирање на центри за претприемништво во Источна Македонија“, викендот во Струмица се реализираше тридневна обука за претприемништво и бизнис планирање.

Обуката која се одржуваше во организација на ЦЕФЕ Македонија, а под покровителство на американската амбасада во Скопје, ја водеа ЦЕФЕ обучувачите Никола Делевски, Ѓорги Милушев и Јасмина Узунова, според ЦЕФЕ Методологијата.

Министерот за здравство, Венко Филипче, по денешниот голем број на новозаболени со ковид-19, со свој статус на социјалните мрежи: Разбирам дека кај сите има голем замор од оваа состојба и дека буквално ви е преку глава од коронавирусот. Но, верувајте дека заморот е уште поголем кај здравствените работници.

Со денешната повторна висока бројка на новозаболени, станува јасно дека влегуваме во очекуваниот есенски бран.

Иако, многумина не веруваа во најавите дека тој ќе се случи, сепак се докажува дека очекувањата беа реални. Цела Европа во моментов се соочува со нова криза и во повеќе земји има силни рестрикции и нови мерки.

Разбирам дека кај сите има голем замор од оваа состојба и дека буквално ви е преку глава од коронавирусот. Но, верувајте дека заморот е уште поголем кај здравствените работници. Тие седум месеци деноноќно работат да ја одржат состојбата под контрола. Целиот менаџмент и Комисијата за заразни болести даде сѐ од себе изминатиот период да подготви протоколи, да го реорганизира системот и да го дочекаме подготвени есенскиот период.

Како министер нема да дозволам да се преоптовари здравствениот систем и да нема кревети за лечење. Нема да дозволам да клекнат на колена колегите од замор.

Рестрикции и мерки ќе носиме секогаш кога ќе процениме дека тоа е единствен начин да се заштити системот и јавното здравје. Тоа е наша одговорност и должност.

Мерките и рестрикциите не се ничија желба или хир. Едноставно мора да разбереме дека тие се единствените алатки кои ни се на располагање за да се заштитиме. Го разбирам целосно гневот на оние кои доследно ги почитуваат постоечките мерки кои се на сила од почетокот и со нив ефикасно се штитат. За многумина препораките за одржување дистанца, носење маска и редовна дезинфекција се доволни мерки. Во оваа прилика сакам да им изразам голема благодарност и да им честитам на свесноста и совесноста. За жал, новите мерки кои ги носиме мора да се однесуваат за сите и едноставно не може парцијално да се применуваат само онаму каде има непочитување на основните три.

Како Влада силно се заложуваме за спроведување на мерките и казнување на оние кои не ги почитуваат. Од денес веќе и инспекциите имаат поголеми надлежности и тие максимално посветено ја работат својата работа. Верувам дека надлежните ќе направат сѐ да ги санкционираат неодговорните граѓани. Сепак, ќе повторам нешто во што силно верувам од самиот почеток. Ниту инспекторите, ниту полицијата, ниту здравствените работници не може да се справат со несовесноста на некои граѓани и компании.

Затоа, уште еднаш апелирам, да се обединеме и да се поддржиме меѓусебно. Заедно да го надминеме следниот период преку почитување на мерките без исклучок - напиша министерот Филипче.

Министерството за здравство информира дека во последните 24 часа се направени 1841 тестирања, а регистрирани се 225 нови случаи на ковид-19. Најмногу во Скопје, додека во Струмица 13 лица се заразиле од вирусот. Во моментот активни се 177 лица евидентирани преку Центарот за јавно здравје во Струмица.

Од ЕВН Македонија – КЕЦ Струмица информираат дека утре (среда, 7 октомври), ќе има прекин на електричната енергија на дел од градот Струмица, и тоа:

Од 08:30 до 10:00 часот – улицата „Васил Сурчев“, објекти на булеварот „Маршал Тито“ околу маркетот „Тинекс“.

Од 11:0 до 12:30 часот – дел од улицата „Пиринска“, „Неретва“, „Тодор Чучков“ и дел од улицата „Кирил и Методиј“.

СВР Струмица информира дека во синоќешната сообраќајна незгода, која се случила во 18:35 часот на локалниот пат Робово – Муртино – Банско, на делница од село Робово до село Муртино, учествувале трактор, управуван од З.К.(56) од Муртино и патничко моторно возило „Мерцедес“ со струмички регистарски таблици, управувано од М.Д.(30) од Банско.

Во насока на намалување на ризикот од појава и ширење на КОВИД-19, Владата ги прифати и препорача следните рестриктивни мерки на Комисијата:

Не е дозволено гостување на пејачи/музички групи/диџеи во угостителските објекти кои послужуваат пијалаци и храна, вклучително и во ресторанскиот дел на угостителските објекти за сместување (хотели/мотели).

Се ограничува максималното ниво на бучава во угостителските објекти на 55 децибели.

​Во угостителските објекти и кафетериите ​ се ограничува дозволениот максимален број на лица на една маса на 4 лица.

Не е дозволено послужување на гости на стоење на шанк.

Владата го прифати и укажувањето на Комисијата за потребата од строго почитување на забраната за работа на ноќни барови и дискотеки и потребата од преземање на ригорозни мерки од страна на надлежните институции во случај на прекршување на забраната.

Повеќе од 20 години, 44-годишниот струмичанец Зоран Јовановски, наместо нозете, за движење користи инвалидска количка. Тој вчера беше дел од 16-то издание на скопскиот „Виз аир маратон“, на кој учествуваа голем број професионалци, рекреативци од земјата и странство во маратонско, полумаратонско и штафетно трчање.

Зоран со својата инвалидска количка успеа да ја извози делницата од 42 километри за 4 часа и 6 минути со активно возење по целата делница.

Туристичката понуда на општина Струмица е збогатена со уште еден природен бисер во подножјето на планината Беласица, а тоа е третиот водопад во атарот на населеното место Габрово.

Ова е проект со кој општина Струмица аплицираше во Агенцијата за финансиска поддршка во земјоделието и руралниот развој за мерката 323 којашто опфаќа токму вакви проекти – градба или реконструкција на патеки до природни реткости и убавини во нашата околина.

Петти октомври е ден кој секоја година се одбележува како Светски ден на учителот. Овој ден е востановен во чест на учителите низ сите светски меридијани, истакнувајќи го значењето на нивната професија.

Учителиот е една од главните алки во воспитно-образовниот процес и вистинско огледало за успешноста на неговото спроведување. Имајќи го во предвид фактот дека од образованието зависи развојот на заедницата и општеството, наставниците се должни да го вложат сиот свој максимум и љубов кон професијата, затоа што таквиот влог гарантира добра иднина за учениците но и за земјата во која живеат. Поради тој влог, учителот заслужува поголема почит од сите нас, но и соодветна валоризација на  вложениот труд.

На сите наставници во општина Струмица им го честитам Светскиот ден на учителот, со желба за успешно спроведување на воспитно-образовниот процес и непречено справување со предизвиците кои ги наметна пандемијата од Ковид-19, стои во честитката на градоначалникот ан општина Струмица, Коста Јаневски.

Струмичката полиција во координација со инспектори од Државен пазарен инспекторат и општинските комунални инспектори, викендот направиле контроли во 26 угостителски објекти на подрачјето на општина Струмица, со цел да се увиди дали се почитуваат владините мерки и протоколи за заштита од вирусот ковид-19.

„На 2 и 3 октомври, од извршена контрола во 22 угостителски објекти на подрачјето на општина Струмица, во еден угостителски објект е констатирано едно кривично дело по член 206 од КЗ на РСМ и прекршоци по член 8 (пуштање гласна музика) и член 21 (овозможување присуство на малолетни лица подолго од 24 часот) од ЗППЈРМ, а во еден угостителски објект констатиран е прекршок по член 21 од ЗППЈРМ. На 3 и 4 октомври од извршена контрола во четири угостителски објекти на подрачјето на општина Струмица, во два угостителски објект се констатирани две кривични дела по члеен 206 од КЗ на РСМ и прекршоци по член 8 и член 21 од ЗППЈРМ“ – стои во соопштението на СВР Струмица.

Од Министерството за здравство информираат дека во изминатите 24 часа од направените 1350 тестирања евидентирани се 191 нов случај со ковид-19 од кои пет се во Струмица. Во Струмица оздравени се двајца пациенти од вкупно 77 во цела држава.

Доцна попладнево околу 18:30 часот на локалниот пат од село Робово кон село Муртино, на самиот влез во Муртино се случила сообраќајна незгода помеѓу трактор и автомобил „Мерцедес“ со струмички регистарски ознаки. Во незгодата има повредено повеќе лица кои се пренесени во болницата во Струмица. Увидот од страна на полициски службеници е во тек, информираше Хризантема Рендевска, портпарол на СВР Струмица. Повеќе информации најави во текот на утрешниот ден.