Се издава деловен простор од 100 м², спроти хотел „Илинден“ во Струмица, погоден за секаква намена. Истиот може внатрешно да се преградува, а има и мала кујна и тоалет. Подетални информации на: 075/425-873.

Компанијата за производство и продажба на накит, инвестициско злато и сребро „Goldmak“ има потреба од работник/чка. Обезбедена плата со комплетно осигурување, дневно работно време од 8 часа (од понеделник до петок). Повеќе информации и пријавување на: 078/214-248.

Ресторан во Пештани, Охрид има потреба од шанкер/ка и келнер/ка. Обезбедено плата, сместување и храна. Повеќе информации и пријавување на: 075 295 619.

СЕ ПРОДАВА куќа на улицата „Крушевска Република“ бр. 72 во Струмица со вкупна површина од 301м², (подрум, спрат и двор). ЦЕНА: 65.000 евра. Повеќе информации на: 071/487-505.

Центар за убавина „ПРЕСТИЖ“ Струмица има потреба од девојка помошник во козметичкиот салон. Предност имаат девојки кои веќе познаваат дел од козметичкиот занает или физиотерапевт. Пријавување и повеќе информации на: 075/425-873.

Здружението за помош и поддршка на лица со Даунов синдром „Вера“ од Струмица во недела на 20-ти март од 18:00 часот, во хотелот „Сириус“ по двегодишна пауза повторно ќе го организира настанот „Убави сме, свои сме“ - модна ревија на деца со попреченост.

По 5-ти пат, педесеттина деца со типичен развој и попреченост ќе продефилираат на импровизираната „модна писта“ во свечената сала на „Сириус“, облечени во креатции од повеќе бутици и брендови, а поддршка ќе им бидат и ученици од основни училишта и млади спортисти од спортски клубови.

„Ние би сакале сите да дојдете, но за жал поради почитување на мерките и протоколите за заштита од Ковид-19, бројот на гости е ограничен и оние кои ќе успеат да си купат влезници ќе бидат во можност да го проследат во живо. За сите кои нема да успеат, ќе имаат можност да гледаат видео снимки и фотографии“, велат од Здружението „Вера“, упатувајќи јавна благодарност до сите спонзори и поддржувачи на овој настан.

Влезниците по цена од 100 денари се пуштени во продажба и можат да се купат во „Bu Coffee-Coffee To GO“ во Струмица.

По повод 16-ти Март - Денот на крводарителството, утре (среда, 16 март), од 09:00 до 14:00 часот, Општинската организација на Црвен крст организира Крводарителска акција во Службата за трансфузиона медицина во Струмица. Крводарителите кои ќе даруваат крв, да ги почитуваат препораките за самозаштита на Министерството за здравство.

Организациониот одбор на Струмичкиот карневал во соработка со СВР Струмица, а заради безбедно одвивање на главната карневалска поворка, ги информира граѓаните, сопственици на возила, дека на 5-ти март (сабота) со почеток од 14:00 часот ќе ги затвори за сообраќај улиците во централното градско подрачје:

  • Булевар „Маршал Тито“, од потегот кружен тек кај главна пошта до подземната гаража на плоштадот „Гоце делчев“,
  • Улицата „Ленинова“, од потегот на раскрсница со улицата „4-ти јули“ (кај ТЦ „Глобал“) до хотел „Централ“,
  • Улицата „Сандо Масев“, на потегот од хотел „Централ“ – зграда на Општина Струмица, до кружен тек викан „кикирика“ на улица „Невена Стојкова“.

Се молат сите граѓани кои вообичаено паркираат возила на улиците со делниците кои ќе бидат затворени, истите да ги отстранат пред 14:00 часот на 5-ти март (сабота), заради непречно одвивање на карневалската поворка.

Возилата што ќе останат на наведените улици ќе бидат отстранети со Пајак службата на сметка на сопствениците.

Струмичанката Мариета Дукиќ вечерва ќе ја промовира својата прва стихозбирка „Ноќни усменија“. Промоцијата е планирана како поетски слики со Мариета и пријателите, а на него ќе се читаат и ќе се разговара за стиховите на поетесата. Настанот ќе се одржи вечерва од 19:30 часот во Пијано барот на ресторан „Космополит“ во Струмица.

Евроамбасадорот Дејвид Гир, денеска во рамките на кампањата „ЕУ со ТЕБЕ“ ќе престојува во струмичкиот регион, каде ќе ги посети општините Струмица и Босилово.

Гир, заедно со заменикот министер за земјоделство, Трајан Димковски и градоначалникот на Босилово, Зоран Зимбаков, денеска ќе го посети испустот на браната Чаушица, што е реконструиран со финансиска помош од ЕУ. Во Струмица, евроамбасадорот Гир ќе се сретне со претставници на граѓанските организации и млади активисти во Европската куќа, но и со локални уметници и новинари.