Утре (среда, 20 ноември), од 11:00 до 15:00 часот во кафе барот „Concept“ во Струмица „AVON“ ќе одржи презентација на новите палети на сенки „AVON Mark Playbook“.

Промотори ќе бидат познатите мејкап артисти Јелкица Поповска (Jelkica_pop) и Зорица Николова, кои ќе ги презентираат своите трикови и совети - како до совршениот мејкап за посакуваната пригода.

Искористете ја можноста за бесплатно шминкање, професионални совети околу начинот на кој се шминкате и освојте подароци од АВОН.

Од ЕВН Македонија – КЕЦ Струмица информираат дека утре (вторник, 19 ноември), во периодот од 09:30 до 13:00 часот без електрична енергија ќе бидат корисниците на улицата „11-ти Октомври“ во Струмица, односно објектите околу „ДИАМЕД“.

Прекинот е поради реализација на инвестициони зафати за подобрување на квалитетот во снабдувањето со електрична енергија.

Познатиот македонски пејач, некогаш на забавни мелодии во поранешната Југославија, а последните три децении во естрадните води на фолк музиката, струмичанецот Перо Христов, утре во Струмица ќе одржи концерт за 50-те години на естрадата.

Неговиот музички израз, неговиот глас, цели 50 години го држат на македонската естрадна сцена, а притоа да се остане доследен на стилот, на секогаш добро одбрана песна што ќе ја пее тој, а да ја пее и публиката со години и години, не само генерациите од времето на создавањето на песната, тука и поновата генерација.

Концертот започнува во 20:00 часот во големата сала на Центарот за култура „Антон Панов“, ќе ги пее големите хитови: „Во црно вино утеха нема“, „Една ѕвезда, една солза“, „Ангелина“, „Заборави ме“, „Судбина било“ „Не можам љубов да кријам“, „Плачи срце, исплачи се“, македонските евергрин мелодии од неговите почетоци „Ивона“, „Евридика“, а на концертот ќе настапат и неговите колеги: Благица Калева, Кате од „Нели ти реков“, Игор Ангелов, дуо Моротов, групите „Интервали“ и „Арија“.

Влезниците за утрешниот концерт на Перо Христов во Струмица се распродадени, а веќе е најавен уште еден концерт во Скопје на 20-ти ноември.

На концертот, Перо Христов ќе го промовира и музичкото ЦД со десетте најубави песни, како трајна вредност, насловено: „За многу години со моите најубави песни“.

Вo петок, 15 ноември, во 19:30 часот во галеријата на „Завод и Музеј“ во Струмица, ќе биде отворена изложба на струмичанката Верица Арапова насловена „Скриени откритија“, а во организација на Здружение за култура „Транзен“.

Верица Арапова е дипломиран архитект на Факултетот за Архитектура при Универзитетот „Св. Кирил и Методиј“ во Скопје, а целиот свој живот, паралено се занимава со сликарство и комбинирани техники. Во нејзиното портфолио има учествувано на бројни колонии и групни изложби. Користи комбинирана техника за нејзиниот ликовен израз, најчесто колаж со кој се движи од експресионизам до експериментален поп арт.

Оваа прва самостојна изложба, Верица Арапова ја работеше во изминатите две години, а во неа ќе бидат вклучени 25 дела, во кои обработува флорални теми од природата, како и од неисцрпните
инспирации на женскиот свет.

Делата во „Скриени откритија“, се сликарски пластови претопени еден во друг, кои се сокриваат еден со друг, живеат еден под друг - како посебни слики, а се откриваат секој посебно и само во очите на набљудивачот, зашто и зависат од неговата индивидуална перцепција, се гледаат одново и одново само преку неговото срце во секој единствен момент.

Петок, 15 ноември | 19:30 часот | „Завод и Музеј“ Струмица

Во многу поголем простор, целосен преглед на сите артикли и многу поширока понуда за потребите на потрошувачите, Струмичката компанија „РАЗНОПРОМЕТ АС“, која годинава го одбележа својот 25-годишен јубилеј, прави Реотворање на проширениот Продажно-изложбен салон во Струмица.

По повод Реотворањето, во петок и сабота (15 и 16 ноември), голем попуст кај сите над 30.000 артикли во „РАЗНОПРОМЕТ АС“, сега сместени на површина од 2500 м².

Почнувајќи од 5% до неверојатни 70% на сите, буквално на секој артикл сместен во проширениот Продажно-изложбен салон, каде може да се најде се за вашиот дом, како за изградба така и за опремување. На редовната цена на секој артикл ќе го видете попустот од 5 до 70%, а на касата ќе ви ја пресметат сумата за плаќање.

Сопственичката на „РАЗНОПРОМЕТ АС“, Елена Трајкова вели дека реотворањето на новиот проширен продажен салон на добро познатата локација на излезот од Струмица кон Дабиле е уште еден чекор во успешниот пат кој го поминуваат полни 25 години со задоволни клиенти.

„Тие освен што се наши клиенти, се и наши пријатели, бидејќи кај нас секогаш можат да најдат одговор на прашањата кои ги имаат, она што го барат ќе го добијат. Огромно задоволство е тоа што од денеска ќе нудиме уште подобра услуга и производи во овој модерен продажен салон“ – ни рече Трајкова.

Со почетокот на грејната сезона, во овие два дена „РАЗНОПРОМЕТ АС“ со попуст и за палетата на производи за греење на пелети, дрва, радијатори за систем на парно греење, електрични уреди за греење.

Предсезонски попуст од 20% на Новогодишните и Божиќните украси кои веќе се поставени во салонот. Не чекајте го декември за да си купите новогодишни украси по редовна цена, искористете го оваа Реотворање на салонот на „РАЗНОПРОМЕТ АС“ и обезбедете си украси со намалена цена од 20%.

„Се за Вас во Разнопромет АС“!

На 13 јуни (четврток), во големата сала на НУЦК „Антон Панов“ во Струмица, со почеток во 19:30 часот, ќе се одржи Хуманитарен концерт за поддршка на 29-годишниот Томе Јанев од Струмица, кој боледува од ALS - (amnyotropxic lateral sclerosis), болест на моторниот неврон.

Надеж за подобрување на неговата состојба има преку лекување и терапија во Москва, Русија. Терапија со матични клетки на секои четири месеци во рок од три години.

На концертот ќе се изведуваат класични дела во интерпретација на пијанистката Клара Ристова, придружена со поезија од странски и домашни автори во интерпретација на Наташа Василевска - Трајчевска.

Влезници може да се набават во НУЦК „Антон Панов“, Ависта, Que Pasa, Concept, Boulevard, Бу, Butler во Струмица.

Да му помогнеме на нашиот сограѓанин, другар, пријател, спортист, Томе Јанев и со донирање на финансиски средства...

- преку денарска сметка број:

Томе Јанев

210-5017071183-75

НЛБ Банка

- преку девизна сметка број:

Tome Janev

MK07210501707118375

NLB Banka AD Skopje

Makedonija

SWIFT: TUTNMK22

- преку Телеком со повик од 100 денари:

143 454

- преку ВИП со повик од 100 денари:

143 502

Денеска се игра комплетното 32 коло во Првата македонска фудбалска лига. „Академија Пандев“ на гости кај „Силекс“, која се бори за опстанок, како и „Беласица“, која на стадионот „Младост“ ја пречекува екипата на „Македонија ЃП“. Натпреварите започнуваат во 16:00 часот.

Здружението за помош и поддршка на лица со Даунов синдром „Вера“ од Струмица, вечерва од 19:30 часот во Ноќниот клуб „Платинум“ ќе го одбележи јубилејот 10 години постоење и активно работење, како и успешната соработка со ОО на Црвен крст Струмица.

Роденденска забава, вака е замислено ова јубилејно одбележување на „Вера“ со настап на хорот од Музичкото училиште „Боро Џони“, волонтерите од струмичкиот Црвен крст, видео презентација за активностите на оваа Здружение во изминатите 10 години и соработката со Црвениот крст, а тука е и роденденската торта.

Вторник, 30 април | 19:30 часот | Ноќен клуб „Платинум“ Струмица

Финалето на Купот на Македонија меѓу ФК „Македонија Ѓорче Петров“ и ФК „Академија Пандев“ ќе се одигра на 22 мај на Националната арена „Тодор Проески“ со почеток во 18:30 часот. Ова го соопшти Фудбалската федерација на Македонија, што значи борбата за пехарот се враќа во Скопје со оглед на тоа што изминатите две години Струмица беше домаќин на завршницата.

Ова за „Македонија ЃП“ ќе биде трето финале, во првото во 2006 година триумфираше против Шкендија, додека во 2009 загуби од Работнички. За струмичани ова ќе биде прва борба за пехарот.