На вчерашниот натпревар помеѓу ФК „Академија Пандев“ и ФК „Работнички“ на стадионот „Младост“ во Струмица, фудбалерите на струмичкиот клуб се појавија со маици на кои пишуваше „Сите заедно за Томе“, со кои ги поттикнуваат сите хумани луѓе да донираат за поранешниот фудбалер на „Беласица“, Томе Јанев од Струмица.

И секоја купена влезница од овој натпревар беше за Томе, а на влезот имаше и кутија за доброволно донирање на финансиски средства од страна на публиката.

„Играчите на нашиот тим излегоа со маици со порака „Сите заедно за Томе“ како поддршка и иницијатива да што повеќе ги поттикнеме луѓето да донираат. Благодарност до сите гледачи кои присуствуваа и купија влезница, како и до оние кои оставија финансиски средства во кутијата за донации која беше поставена на самиот влез на стадионот“ - велат од клубот.

• Да му помогнеме на 29-годишниот струмичанец Томе Јанев