Вонредното седмо коло во Првата женска одбојкарска лига е содржајно поради можноста да донесе промени во првиот дел од табелата, па дури и уште повеќе да го намали кругот кандидати за пласман во главниот натпреварувачки сегмент напролет.

ОК „Наковски Волеј“ ќе влезе во натпреварот со ОК „Универзитет Тетово“ како голем фаворит, а доколку ја потврди улогата, тогаш повторно ќе се врати на првото место, макар што радоста може да биде привремена. Сепак, одбојкарките на ОК „Работнички Скопје“ имаат подобар поен-количник, но и потежок противник така што „Наковски Волеј“ може да се надева да остане на врвот по шесте средби закажани за наредните два дена.

Натпреварот помеѓу ОК „Наковски Волеј“ и ОК „Универзитет Тетово“ е денеска во 18:00 часот во Спортската сала на СОУ „Димитар Влахов“ во Струмица.