„Академија за реинтеграција на маргинализирани лица“ во Струмица им го менува животот на зависниците – ги прави корисни за општеството

Среда, 28 Октомври 2020

Проектот „Академија за реинтеграција на маргинализирани лица“ преку Центарот за развој на Југоисточен плански регион во партнерство со  Здружението за советување, лекување, реинтеграција и ресоцијализација на лица зависни од психоактивни супстанци – ИЗБОР од Струмица, поддржан од Швајцарската агенција за развој и соработка и Министерството за локална самоуправа е навистина еден уникатен пример како да им се помогне на оние кои се зависници од психоактивни супстанци, од алкохол, дрога, и тоа на начин на кој тие ќе бидат ресоцијализирани, не само лекувани.

Токму преку проектот ќе се овозможи унапредување на постоечките услуги во југоисточниот регион за подобро вклучување на маргинализираните лица на пазарот на труд. Во износ од над 6 милиони денари набавена опрема потребна за работно оспособување за пекарство, пакување на производи, градинарство и цвеќарство со цел збогатување на програмата за реинтеграција за стекнување на вештини на професионално оспособување за маргинализирани лица.

„Овој проект во соработка со Министерството за локална самоуправа е навистина еден оригинален пример како да им се помогне на оние кои се зависници, на начин на кој тие ќе бидат ресоцијализирани, не само лекувани. Токму тука не само што се рехабилитираат зависниците од психоактивни супстанци туку и работат, се социјализираат, и на тој начин стануваат активни на пазарот на трудот. Овој пример ние треба да се преслика во други региони во државава каде што исто така постои проблемот на зависности“ - рече Зоран Димитровски, заменик министер за локална самоуправа.

Според Коста Јаневски, градоначалник на општина Струмица, ова е уште една успешна приказна во рамките на општина Струмица, која со голем дел е потпомогната од Швајцарската Амбасада.

„Овој проект е успешна приказна за општината, така што се повеќе е препознаен во нашата држава и по чии тек и други региони заинтересирани се обидуваат да создадат една таква комуна која што преку работна ангажираност се прави реинтеграција на луѓето кои што се во одреден ризик од одредени зависности, да се вратат во општеството“, појасни градоначалникот Јаневски.

За Сократ Манчев, претседателот на здружението ИЗБОР, овој проект финансиран од Министерство за локална самоуправа и Швајцарската агенција за развој и соработка нуди можност за професионална рехабилитација заради реинтеграција на лица со попреченост, и други маргинализирани групи.

„Самиот проект предвидува голем склоп на активности, економски активности преку кои ќе се обидеме не само да ги вработиме тие луѓе, да им најдеме работа, туку и да направиме една само-одржливост на нашата организација“, кажа Манчев.

„Процесот е за мене едноставен, многу битен, тука добив еден лесен почеток, многу лесен нов живот далеку од зависноста. Гледате дека тука работиме, стекнувам нови работни навики, работи што не сум ги работел надвор, тука ги сознав и можат да ми бидат од голема корист надвор од тука, кога ќе излезам. Тука сум веќе 13 месеци, задоволен сум од целата програма, со стручните лица тука што работиме, како работиме. Имаме психотерапија, ми помагаат многу, и јас се трудам да дадам се од себе, оти сепак се работи за мене. Мојот живот сам го менувам, затоа што сакам да го сменам“, вели Ѓорги, еден од вработените во Академијата.

Според него поддршката значи најмногу, прифаќањето како еден нормален човек, за разлика од надвор каде чувството било како да мора да се крие.

„Тука тие работи ги сознав, и дознав дека некои работи кои ми тежеа пред тоа пробав, и ме научија како да можам да ги отстранам од мене, тие мисли да не ме гонат, да не ме прогонуваат, оти тоа ми беше проблем на мене“.

Неговиот колега Димче, како оператор, објаснува дека денот е многу едноставен, наутро има појадок и молитва, потоа состанок за организирање на работата, по завршување на обврските има и слободни активности.

„Процесот тука трае година и пол, поделена е на три фази на рехабилитација, ресоцијализација и реинтеграција. Јас го имам поминато цел процес, тука сум веќе двеипол години, сега сум како вработен во заедницата и работам како оператор, помагам на новите клиенти што се сега во почетни и во поодминати фази, вели исто така вработен во Академијата кој го поминал процесот на рехабилитација“.

Според Димче, корисници доаѓаат од целата држава, меѓу кои и прв клиент од Косово.

„Вистина, ваков тип на заедница скоро и да нема на Балканот. Значи со сите работи поврзани со работно-окупациона терапија и психотерапевтска терапија. Денеска ни пристигна и првиот клиент од Косово. Значи имате три фази, првата е фаза на адаптација, да се адаптираат на местото, потоа фаза на ресоцијализација, па на крај реинтеграција. Треба малку да се издржи во фазата на адаптација, затоа што има фаза на детокс, тие се малку тешки моменти за сите клиенти, што се биле и за мене, но имаме лица тука, сите што сме вработени сме биле зависници, многу голем период , еве јас сум бил зависник 16 години. Но, со нашето искуство нудиме плус помош за сите клиенти“, појаснува тој.

Неможе да се пријавите самите

  • Права:

    © Крадењето авторски содржини е забрането со закон. Преземање текстови, изјави или фотографии во авторска сопственост на порталот www.StrumicaNet.com е дозволено делумно, со задолжителен хиперлинк до содржината која се пренесува...

.

.

ПОВЕЌЕ ВЕСТИ

Бутик „ИМИЏ-М“ Струмица има потреба од девојка за работа

Бутик „ИМИЏ-М“ Струмица има потреба од девојка за работа

Ное 29, 2020 Веб Билборд

Бутик „ИМИЏ-М“ Струмица има потреба од девојка за работа. Пријавување на 071/239-040, преку Instagram профилот или директно во бутикот кој се наоѓа на...

Tројца жители на Струмица починаа, 26 се новозаразени, а 19 се евидентирани како оздравени пациенти

Tројца жители на Струмица починаа, 26 се новозаразени, а 19 …

Ное 28, 2020 Вести

Tројца жители на Струмица, на возраст од 63, 70 и 78 години починаа како последица на коронавирусот. Во изминатите 24 часа во цела држава починале 41 ...

Почина струмичанецот Кирил Лазаров, еден од најплодните македонски композитори

Почина струмичанецот Кирил Лазаров, еден од најплодните маке…

Ное 27, 2020 Вести

Денеска на 78 години почина Кирил Лазаров од Струмица, еден од најплодните композитори на македонски забавни и новосоздадени песни. Кирил Лазаров е р...

Прекин на електричната енергија во центарот на градот Струмица

Прекин на електричната енергија во центарот на градот Струми…

Ное 27, 2020 ФЛЕШ ВЕСТИ

Од ЕВН Македонија - КЕЦ Струмица информираат дека поради реализација на инвестициони зафати за подобрување на квалитетот во снабдувањето со електрична...

Директен судир помеѓу автомобил и запрежно возило, повредени две лица

Директен судир помеѓу автомобил и запрежно возило, повредени…

Ное 27, 2020 ФЛЕШ ВЕСТИ

Две лица се повредени во сообраќајка која се случи денеска околу 11:00 часот во близина на селото Баница, на регионалниот пат Струмица – Баница - Вељу...

Жената под маска на плоштадот во Струмица светна во портокалова боја, како аларм за подигање на свеста за родово базирано насилство

Жената под маска на плоштадот во Струмица светна во портокал…

Ное 26, 2020 Вести

Струмица дел од акцијата „16 дена активизам против семејното насилство и насилството врз жените и децата“. Споменикот „Жена под маска“ на струмичкиот ...

Утре неколку компании на излезот од Струмица кон Дабиље ќе бидат три часа без електрична енергија

Утре неколку компании на излезот од Струмица кон Дабиље ќе б…

Ное 26, 2020 ФЛЕШ ВЕСТИ

Од ЕВН Македонија – КЕЦ Струмица информираат дека утре (петок, 26 ноември) од 09:00 до 12:00 часот без електрична енергија ќе останат корисниците во к...

„Black Weekend“ во „РАЗНОПРОМЕТ АС“

„Black Weekend“ во „РАЗНОПРОМЕТ АС“

Ное 26, 2020 Маркетинг

Во петок и сабота (27 и 28 ноември), во Продажниот салон на „РАЗНОПРОМЕТ АС“ – „Black Weekend“... Големо намалување на 40.000 артикли распостранети на...