Ѓорге Стојчев е назначен за нов шеф на стручниот штаб на ФК „Академија Пандев“ од Струмица. Раководството на клубот одлучи дека Стојчев е најдоброто решение за тренер на сениорскиот тим и ја има целосната доверба од сите во клубот.

Стојчев е дел од „Академија Пандев“ од самото формирање, најпрво како тренер во младинските категории, а од пред три сезони и како асистент тренер во сениорскиот тим каде соработуваше со Југослав Тренчовски, Александар Таневски и Александар Васоски.