Ученици од СОУ „Јане Сандански“ во Струмица под менторство на професорите Анита Станковска, Денис Кирчанов и Катерина Милушева за 26 мај ни најавуваат несекојдневен музичко-драмски перформанс „СТРУМИЧКИ ЛАНГРДИИ СУ НОГО ТАКРАФАТЕ И ИЧ МАСТРАФЕ“.

Бидете дел од доживувањето на спомените за една Струмица која одамна ја нема. Слушнете ја приказната за еснафите кои оставија белег, за младоста од едно време низ играта на една нова генерација која на свој начин се обидува да ги заживее, зачинето со струмичкиот дијалект и препознатливи песни.

Десет глумци, дванаесет членови на оркестарот, петнаесет хористки, сите аматери, Ве повикуваат да бидете дел од овој настан во големата сала на НУЦК „Антон Панов“ Струмица, на 26.05.2022 година (четврток) во 20:00 часот...