ФК „Академија Пандев“ со победа го започна пролетниот дел на шампионатот на стадионот „Младост“ во Струмица со 3:0 над екипата на ФК „Македонија ЃП“, полувреме 1:0.

Љупче Дориев во 12-та минута од пенал го даде првиот гол за „пандевци“. Во второто полувреме Марко Крстовски во 63-та минута го даде и вториот гол, а само по десет минути и Ацо Стојков се запиша како стрелец за Струмичкиот прволигашки клуб.

Со новите три бода од денеска, ФК „Академија Пандев“ се доближи на само два бода до второпласираниот ФК „Вардар“.