Во рамките на 1/8 финале на КУП натпреварите во ракомет, во недела (24 февруари), Струмичкиот Ракометен клуб „Астраион“ е домаќин и организатор на групата во која настапуваат екипите на РК „Астраион“, РК „Младост 09“ Богданци, РК „Вардар Неготино“ и РК „Текстилец“ Штип.

Победникот од овој турнир, кој ќе се одржува во Спортската сала „Парк“ во Струмица, учествува во 1/4 финалето на КУП натпреварувањето.

Првиот натпревар е помеѓу РК „Астраион“ и РК „Младост 09“ од 11:00 часот, вториот е закажан во 13:00 часот помеѓу РК „Вардар Неготино“ и РК „Текстилец“, додека финалето е во 17:30 часот. Влезот за сите натпревари е слободен.