Дождливото време ги пресели рекреативците од настанот „Вежбаме во парк заедно со Елена“, од големиот парк во Спортската сала „Партизан“ во Струмица. И таму вежбаа и спортски се забавуваа со инструкторот Елена Илков.

Ги имаше од Струмица и Радовиш, рекреативци и членовите на аеробик и пилатес клубот „Go Fit“.

Тренинзите ќе продолжат во петок од 19:00 часот во големиот Градски парк, покрај езерцето, се разбира ако не заврне дожд. Може да се приклучи секој граѓанин кој сака да спортува и да се забавува.

„Вежбањето треба да биде секојдневие кај секој млад човек и секојдневно да се применува. Се надеваме дека ќе придонесеме за да се појави желба за вежбање кај нашите струмичани“ - вели професорката Елена Илков, инструктор по аеробик и пилатес.

ФОТОГАЛЕРИЈА