Двете карневалски групи од Струмичкиот карневал, „Мулен руж 2“ и Здружението „Струма“ со маските од годинашниот карневал во Струмица, викендот учествуваа на 14-тиот Меѓународен карневал во Лесковац, на кој продефилираа 36 групи со околу 2000 карневалисти од неколку земји од регионот, но и од Египет и Индонезија.

На секое гостување струмичките карневалисти со своите креативни маски оставаат одличен впечаток, така било и викендот во Лесковац. Според нашите учесници, струмичките карневалски групи со маските  „Чекор напред” и „Неуништлива вечна љубов”, побудиле интерес кај присутната публика, оставајќи одличен впечаток кај нив, но и кај организаторот на овој реномиран карневал во Србија.