Полициски служебници на СВР Струмица, вчера во периодот од 14:00 до 20:00 часот спровеле акциска контрола за откривање на возачи кои управуваат возила со брзина поголема од дозволената.

Како што соопштија од полицијата во акцијата констатирани се 56 прекршоци за кои се издадени 46 прекршочни и 10 мандатни платни налози.

Од СВР Струмица апелираат до сите учесници во сообраќајот да се почитуваат сообраќајните правила и прописи и за поголема внимателност по патиштата, заради зголемената фрекфентност во овој летен период.

Од таму најавија дека вакви акциски контроли ќе се спроведуваат и во наредниот период.