Голманот на Ракометниот клуб „Астраион“ од Струмица, 19-годишниот Васил Гогов од следната сезона ќе брани за европкиот првак „Вардар“. Тој потпиша тригодишен договор со црвено-црните и веќе се приклучи на првиот состав на „Вардар“, каде шпанецот Писионеро бил позитивно изненаден од перформансите и квалитетот што го презентирал момчето од Струмица.

Гогов кој е планиран за тимот на „Вардар Јуниор“, во моментов работи со тимот што ја покори ракометна Европа, поради ангажираноста на Марко Кизиќ со настапот на Светското првенство, па црвено-црните одлучија да биде дел од тренинзите на првиот тим на „Вардар“.

Гогов има 19 години и во дресот на „Астраион“ беше енигма за голем број екипи. Благодарение на неговите одбрани, струмичани станаа хит во последното првенство.

Гогов повеќе од две години работи по програма на врвниот вардаров тренер, познатиот „брусач на млади голмански дијаманти“, единствениот Александар Царчев. Истата во неговиот тим РК „Астраион“ ја споведуваше неговиот досегашен тренер, човекот кој предано се посвети на неговиот напредок, Лече Пиличев.