Пратеникот во Собранието на Република Северна Македонија од редовите на владејачката СДСМ, денеска пред маркетот на „Тинекс“ во центарот на Струмица се вклучи во караванот „Мој ДДВ“.

Тој на промотивниот штанд заедно со ангажираните од Управата за јавни приходи ги споделуваа информациите со сите минувачи за мерката поврат на граѓаните 15% од пресметаниот ДДВ, преку апликацијата „МојДДВ“.

„Самата мерка „МојДДВ“ е нешто кое се прави за прв пат во историјата на нашата држава, каде што буквално преку скенирањето на сметките и преку плаќањето на ДДВ, државата враќа 15% од платеното ДДВ директно кај граѓаните. За самата успешност на мерката се фактите и бројките кои кажуваат дека од самото пуштање на апликацијата „МојДДВ“, па до 5-ти август се скенирани 8,5 милиони фискални сметки“ – вели пратеникот Костадин Костадинов, кој моментот на промоција го искористи и тој да си пазарува од маркетот, да ја скенира својата фискална сметка и да ги повика граѓаните да бараат да им бидат издадени фискални сметки кога купуваат, да ги скенираат преку апликацијата, но и да пријават неправилности до надлежните институции.

Костадинов вели дека во споредба со месец јули минатата година и јули оваа година, има раст на ДДВ, односно приход од околу 470 милиони денари, што е за 10% повеќе во споредба со истиот месец во минатата година.