Обраќање на Ирена Бабамова – Стојчева од Советот на општина Струмица за загадениот воздух во градот Струмица

Четврток, 21 Ноември 2019

Ирена Бабамова – Стојчева член на Советот на Општина Струмица од ВМРО-ДПМНЕ, денеска во присуство на колегите советниците од нејзината коалиција во Советот, имаше обраќање на кое говореше за загадувањето на воздухот во градот Струмица и побара од локалната власт, повеќе општински пари да се пренасочуваат кон решавање на овој проблем.

Интегрален текст од обраќањето на Ирена Бабамова - Стојчева

Почитувани граѓани,

Работата на локалната самоуправа е вашите пари собрани преку даноците и давачките кои ги плаќате постојано – најдирекно да ви се вратат назад, со вложување во проекти за подобрување на квалитетот на вашиот живот.

Ќе се сложите дека нема поважно прашање од животот на луѓето. Истражувања покажуваат дека загадениот воздух предизвикува редица аномалии и болести, од респираторни, срцеви, невролошки… листата е долга.

Струмица денес е еден од најзагадените градови во рамки на државата и често се наоѓа на врвот по загаденост во европски, па и во светски рамки. Опкружени сме со постојани чадови, во сите нијанси од бело до црно. На таквата алармантна ситуација, процентот на реализација на програмата за животна средина на локалната самоуправа, според последниот квартален извештај е само 9 проценти.

Загадувањето во нормалните општества е класифицирано како ризик по националната безбедност, а статистиката покажува дека околу 3500 луѓе годишно или 17000 лица во Република Македонија починале како резултат на аерозагадувањето во последните години. Изразено во урбани размери, оваа бројка е еднаква на бројот на жители на една помала општина.

Дали навистина домаќинствата се најголемиот загадувач на територија на општината?

Ако се има предвид дека во повеќе наврати се регистрирани последователни денови со енромно присуство на ПМ10 честички во воздухот вон грејната сезона – кој загадува во меѓувреме?

Дали парцијалното субвенционирањето за приклучок кон гасоводната мрежа е доволно да ги поттикне граѓаните да се приклучат, кога цената на гасот е неисплатлива, а населенитето не може да издвои толкави суми да инсталира таков систем дома?

Зошто не се субвенционираат други алтернативни начини на греење со општинските пари, како купување печки на пелети, инвертери, соларни панели?

Дали доволно ефикасно се детектираат и санкционираат загадувачите кои палат отпадок, пластика, кабли и друг материјал?

Дали филтрите на индустриските капацитети работат ефикасно?

Почитувани граѓани,

Сериозните анализи покажуваат дека борбата со загадувањето не се решава парцијално и не е проблем што е присутен само во грејната сезона. Само за потсетување, за pm10 дозволени се 35 дена во годината над 50 μg/m3, а според СЗО годишниот просек не смее да е над 20 μg/m3.

Состојбата во Струмица е загрижувачка, и како советници сметаме дека општинските пари да се насочат кон:
– субвенционирање на алтернативни начин на греење во домаќинствата, градинките, училиштата, здравствените и административните објекти
– енергетска ефикасност и кај домаќинства и кај јавни објекти
– воведување јавен превоз
– зелени ѕидови во градинките и училиштата
– инсталирање и за филтри во малите и средни фирми од дрвната и друг вид индустрија
– решавање на дивите населби, палењето на кабли, гуми, пластика и друг отпадок
– зголемен број на инспекции, постојано достапни и присутни на терен,
– дронови со термалните камери, низ цела година,
– поставени камери на хроничните жаришта каде постојано се фрла и се пали отпад
– проширени мониторинг станици кои ги мерат сите загадувачи континуирано
– градежни зони според стандарди и редовна инспекција
и редица други системски мерки.

Почитувани граѓани,

Како советници, сакаме да ви потенцираме дека иако нашата работа веќе подолго време не се пренесува на телевизиските и другите медиуми, на сите седници кога на дневен ред е поставено ова прашање, постојано бараме отчет и како и сега нудиме конструктивни решенија со цел да го заштитиме правото на чист воздух, а каква што е состојбата – и правото на живот.

Неможе да се пријавите самите

  • Права:

    © Крадењето авторски содржини е забрането со закон. Преземање текстови, изјави или фотографии во авторска сопственост на порталот www.StrumicaNet.com е дозволено делумно, со задолжителен хиперлинк до содржината која се пренесува...

     

.

.

ПОВЕЌЕ ВЕСТИ

„Angels“ бара девојка за работа во бутикот

„Angels“ бара девојка за работа во бутикот

Јун 13, 2021 Веб Билборд

„Angels“ бара девојка за работа во бутикот. Пријавување на Facebook и Instagram профилите на бутикот: www.facebook.com/AngelsStrumica www.instagram...

Отворена канцеларија на премиерот Зоран Заев во Струмица за непосредни средби со граѓаните

Отворена канцеларија на премиерот Зоран Заев во Струмица за …

Јун 12, 2021 Вести

Претседателот на Владата на Република Северна Македонија, Зоран Заев, денеска во Струмица ја отвори Канцеларијата за непосреден контакт со граѓаните. ...

Трет ден блокада во центарот на Струмица

Трет ден блокада во центарот на Струмица

Јун 10, 2021 ФЛЕШ ВЕСТИ

Трет ден блокирана главната раскрсница пред ТЦ „Глобал“ во Струмица. Блокадите кои ги има во повеќе градови во терминот од 15 до 17 часот се организир...

Струмичката полиција приведе 36-годишен жител од Василево, кај него пронајдено марихуана и малолетничка која живеела во неговиот дом

Струмичката полиција приведе 36-годишен жител од Василево, к…

Јун 09, 2021 Вести

Денеска во Василево, полициски службеници од СВР Струмица го лишиле од слобода Т.М.(36) од Василево. При претрес во неговиот дом, извршен со судска на...

Во четврток два часа прекин на електричната енергија на неколку улици во горниот дел на градот Струмица

Во четврток два часа прекин на електричната енергија на неко…

Јун 08, 2021 ФЛЕШ ВЕСТИ

Од ЕВН Македонија - КЕЦ Струмица ги известуваат граѓаните дека поради реализација на инвестициони зафати за подобрување на квалитетот во снабдувањето ...

Поцкова: Документот „Патоказ“ да биде објавен пред целиот народ

Поцкова: Документот „Патоказ“ да биде објавен пред целиот на…

Јун 08, 2021 Вести

Струмичкото ВМРО-ДПМНЕ од денеска, па во наредните два дена од 15:00 до 17:00 часот со протести на главната раскрсница во градот. Целта на протестот е...

Започна гасификацијата на струмичката болница

Започна гасификацијата на струмичката болница

Јун 08, 2021 Вести

Со стартот на изградбата на нова котлара, започна гасификацијата на ЈЗУ „Општа болница“ во Струмица, а веќе од следната грејна сезона ќе биде единстве...

Промовирана книгата „Видое Подгорец - незавршена приказна“ од Киро Донев

Промовирана книгата „Видое Подгорец - незавршена приказна“ о…

Јун 08, 2021 Вести

Во рамките на 20-та литературната манифестација „Средба под јаворите – Видое Подгорец 2021“, синоќа во Центарот за култура „Антон Панов“ во Струмица б...