Со предавање на клучот од градот започнаа карневалските денови во Струмица

Среда, 26 Февруари 2020

Со предавање на симболичен клуч од градот на карневалистите, денеска започнаа еднонеделните активности од овогодинашното јубилејно издание на Струмичкиот карневал. Во големата сала на Центарот за култура „Антон Панов“ вечерва се одржа свечената седница на Организациониот одбор на Струмичкиот карневал каде беше промовирана монографија за карневалот и беа доделени признанија по повод јубилејот. Во холот на Центарот за култура беше поставена ретроспективна изложба на фотографии од изминатите изданија на карневалот во организирана форма.

Карневалските активности започнаа со дефилето на мажоретките од општинската зграда, со парада низ корзото, плоштадот, сè до платото на Центарот на културата. На чело на парадата беше градоначалникот Коста Јаневски, во присуство на претставници од Општина Струмица. Парадата беше пречекана од страна на претседателот на ОО на Струмичкиот Карневал, Александар Цицимов, претседателот на ФЕКК, Ларс Алгел, останатите членови на одборот, претставници на институции, карневалски групи. На јарболите пред Центарот на култура беа подигнати државното знаме и знамињата на Европската Унија и на Струмичкиот Карневал, а присутните проследија кореографија на мажоретките.

Во големата сала на Центарот за култура беше изведен симболичниот чин на предавање на клучот од градот од страна на градоначалникот Јаневски на претседателот Цицимов. Ваквиот чин е новитет во карневалската програма и беше воведен во 2018 година по примерот на останатите карневалски градови во Европа. Пред присутните во салата беа прикажани исечоци од видео снимки од карневалското издание во 1991 година кога беше воведена организираната форма, а потоа и видео материјал од минатогодишниот карневал. По обраќањето на Јаневски и Цицимов започна свечената седница на Организациониот одбор на карневалот кој од сцената ја водеше струмичкиот водител Ѓорѓи Калајџиев. Во воведниот говор Калајџиев потенцираше дека пред 350 години е направен и првиот познат запис за карневалот во Струмица од страна на турскиот патописец Евлија Челебија, кој бил во посета на градот во 1670 година.

На свечената седница беше промовирана монографијата „Струмичко чудо“ во авторство на Катерина Милушева и Александар Цицимов, со фактографски прикази за развојот на карневалот. Монографијата е испишана на повеќе од 300 страници и поради недостаток на финансиски средства во моментов е достапна само во електронска форма, но според Цицимов се очекува истата во текот на годината да биде и отпечатена.

Свеченостите за отворањето на карневалските денови продолжија со доделувањето на признанија на личности, институции, фирми и групи кои изминатите три децении го помогнале одржувањето на карневалот. Претседателот Цицимов додели плакети и медали на поранешните градоначалници на Струмица, институциите, карневалските групи, на медиуми и новинари, на компании долгогодишни поддржувачи на карневалот.

По завршувањето на свеченостите во големата сала, присутните имаа можност во холот да ја погледнат ретроспективната изложба на фотографии од карневалот од изминатите три децении насловена „Струмички Карневал - 30 години ѕвезда под небото“.

Карневалските активности во Струмица продолжуваат и наредните денови, сè до наредната среда. Утре во два термини во 18:00 и во 20:00 часот ќе се одржи Концертот под маски на музичкото училиште „Боро Џони“ од Струмица, за кој влезниците се веќе распродадени. Истиот ден во 12:00 часот во просториите на градската библиотека ќе се објават резултатите од конкурсот за најдобри остварувања на тема карневал, а во 18:30 часот во зградата на музејот во Струмица ќе биде отворена изложбата на карневалски фотографии од минатата година. Главната вечер на карневалот ќе биде во сабота и истата ќе започне од 18:30 часот.

Кирил Ѓоргиев

Неможе да се пријавите самите

  • Права:

    © Крадењето авторски содржини е забрането со закон. Преземање текстови, изјави или фотографии во авторска сопственост на порталот www.StrumicaNet.com е дозволено делумно, со задолжителен хиперлинк до содржината која се пренесува...

     

.

.

ПОВЕЌЕ ВЕСТИ

Бесплатна телефонска линија во канцеларијата на Народниот правобранител на денот на изборите

Бесплатна телефонска линија во канцеларијата на Народниот пр…

Јул 12, 2020 Вести

Во канцеларијата на Народниoт правобранител на денот на предвремените парламентарни избори во периодот од 07:00 до 21:00 часот ќе функционира беслатна...

Денеска уште двајца новозаразени во Струмица, активни се 15 лица со ковид-19

Денеска уште двајца новозаразени во Струмица, активни се 15 …

Јул 12, 2020 ФЛЕШ ВЕСТИ

Две лица, едно од Струмица и едно од Просениково се новозаразени со ковид-19. Во моментот 15 лица се водат како активни случаи во Струмица, а досега о...

Земјоделците од утре со картичка ќе можат да си обезбедат зелена нафта

Земјоделците од утре со картичка ќе можат да си обезбедат зе…

Јул 12, 2020 Вести

Министерот за земјоделство, шумарство и водостопанство, Трајан Димковски, вчера од Струмица најави дека од понеделник повторно ќе може да се точи Еуро...

Денеска е Петровден - за многу години!

Денеска е Петровден - за многу години!

Јул 12, 2020 Магазин

Денеска е Св. апостоли Петар и Павле – Петровден. Со овој празник завршува еден од четирите повеќедневни пости во годината, кој е врзан за празникот ...

Два нови случаи заразени со ковид-19 во Струмица

Два нови случаи заразени со ковид-19 во Струмица

Јул 11, 2020 ФЛЕШ ВЕСТИ

Во последните 24 часа се направени 1545 тестирања, а регистрирани се 199 нови случаи на ковид-19, меѓу кои и две лица во Струмица, најмногу во Скопје ...

Костадинов: Да не ризикуваме, да не го даваме гласот за било кој би можел да коалицира со Мицкоски

Костадинов: Да не ризикуваме, да не го даваме гласот за било…

Јул 11, 2020 Избори 2020

„Да не ризикуваме, да не го даваме гласот за било кој би можел да коалицира со Мицкоски“ - кажа во денешното обраќање кандидатот за пратеник во Изборн...

Министерот за внатрешни работи е во Струмица, се сретна со раководството на СВР Струмица

Министерот за внатрешни работи е во Струмица, се сретна со р…

Јул 11, 2020 Вести

Министерот за внатрешни работи, Наќе Чулев претпладнево беше во работна посета на Секторот за внатрешни работи во Струмица. Како што кажа министерот ...

Кандидатот за пратеник Костадин Костадинов на средба со струмичките бизнисмени

Кандидатот за пратеник Костадин Костадинов на средба со стру…

Јул 10, 2020 Избори 2020

„Ја зајакнуваме директната поддршка на македонските компании. Нашата цел е да создадеме амбиент за динамичен и конкурентен бизнис, ослободен од полити...