Денеска во СОУУД „Димитар Влахов“ во Струмица во 10:00 часот требаше да се одржи приемен испит за упис во образовниот профил медицинска сестра, поради поголем број пријавени ученици со ист број на поени (39 ученици имаат по 75 поени). Но наместо учениците, дојдоа новните родители кои го изразија својот револт. Бараат да бидат примени сите 39 ученици со целосен одличен успех од основното образование, односно да се зголеми паралелката од планираните 34 ученици, според конкурсот на Министерството за образование, и да брои 39 ученици.

Родителите во саботата, по објавувањето на резултатите испратија и петиција до Министерството за образование и до градоначалникот на општина Струмица, со која бараат во услови на вонредна состојба и во време кога е откажана државната матура да нема квалификационо тестирање и да бидат примени сите 39 ученици кои имаат ист број поени.

Од училиштето велат дека засега немат нови насоки од Министерството за образование. Доколку се остане на тоа, учениците не дојдат на тестирање, ќе се спроведе второто пријавување на 24 и 25 јуни каде сите заинтересирани ученици за ова паралелка повторно ќе треба да се пријават.