Еден помалку од првото пријавување се пријавени за образовниот профил медицинска сестра во СОУ „Димитар Влахов“ во Струмица. 38 ученици се со ист број на поени, а според конкурсот треба да се примат 34 ученици. Утре (петок, 26 јуни), во 10:00 часот ќе се спороведе квалификационо тестирање за прием на 34 ученици од пријавените 38. Учениците во училиштето треба да бидат 1 час пред почетокот на тестирањето поради подготовки.

Во ова училиште во изминатите два дена се запишани дополнително уште 11 ученици во други струки, а слободни места останаа уште за 222 ученици.

Во СОУ „Јане Сандански“ во второто пријавување се пријавиле 16 ученици, а се запишани 15. Слободни места има за уште 170 ученици, додека во СОУ „Никола Карев“ се пријавиле 60 ученици, а се примени 46. Слободни места остануваат за 237 ученици.

Во трите средни општински училишта слободни места има за уште 629 ученици од планираните 1292, според конкурсот на Министерството за образование и наука.