Отсекот за превенција при СВР Струмица во партнерство со градоначалникот на општина Босилово и компанијата „Тома“ Радово и денеска ја реализираа превентивната активност против возење под дејство на алкохол, насочена кон учесниците во сообраќајот на магистралниот пат А4, во реонот на општина Босилово со делење маички и летоци, под слоганот „Никогаш не вози пијан“.

Во овој летен период кога е зголемена раздвиженост во сообраќајот, од СВР Струмица и Општина Босилово апелираат до сите учесници во сообраќајот да бидат одговорни возачи и да ги почитуваат сообраќајните знаци, правила и прописи, потенцирајќи никогаш да не се управува моторно возило под дејство на алкохол.

Во реализација на ова превентивна акција се вклучија и ученици од училишта во регионот.