И годинава во пресрет на големиот христијански празник Велигден, во центарот на Ново Село се одржа традоционалниот хуманитарен Велигденски хепенинг на учениците основното општинско училиште „Мануш Турновски“ од Ново Село и учениците од подрачните училишта од Ново Коњарево, Самоилово, Старо коњарево, Смолари, Зубово, Дражево и Сушица.

Учениците ја покажаа својата креативност преку изработка на прекрасно декорирани велигденски јајца и украси, а посетителите имаа можност да си купат и да бидат дел од велигденскиот амбиент во нивните домови.

Меѓу посетителите беше и градоначалникот на општина Ново Село, Боро Стојчев, кој се восхитуваше на прекрасните раковотворби на децата, па и тој самиот се вклучи во изработката, односно бојадисување на јајца, но и си купи по некој велигденски украс.