Владата на СДСМ ќе го укинува екстерното тестирање

Сабота, 03 Декември 2016

Екстерното тестирање не ги оствари целите за кои беше воведен и служеше само за вршење притисок врз наставниците

Владата предводена од СДСМ веднаш ќе го укине екстерното тестирање како проект што предизвика голем револт кај наставниците, а создаде вознемиреност и незадоволство кај учениците и кај нивните родители - истакна на денешната прес конференција кандидатот за пратеник од СДСМ во ИЕ4, Коста Костадинов.

 

Интегрален текст од прес конференцијата:

 

„Политиките на актуелната власт ги деградираа сите сфери на живеење на граѓаните на Република Македонија. Во образованието, наместо да се работи на подигнување на квалитетот, се спроведе проект за негово ставање под целосна партиска контрола. Инспекциските служби и екстерното тестирање се користат како инструменти за држење во покорност на наставниците и професорите. Автономијата на универзитетите е целосно нарушена.

 

Со победата на 11 декември целосно ќе ја смениме состојбата во образовниот систем во Македонија.

 

Ќе организираме јавна расправа и серија на дебати со вработените во образовните институции, со стручната јавност и со граѓанскиот сектор за функционална промена на концептот на образование. Со тоа ќе прекине досегашната пракса на реформи без дискусија, кои се менуваат преку ноќ по политички диктат. Ќе го искористиме примерот на добрите европски образовни практики, а концептот што ќе произлезе од таа сеопфатна расправа ќе биде имплементиран од учебната 2018/2019 година.

 

Веднаш ќе го укинеме екстерното тестирање како проект што предизвика голем револт кај наставниците, а создаде вознемиреност и незадоволство кај учени- ците и кај нивните родители. Екстерното тестирање не ги оствари целите за кои беше воведен и служеше само за вршење притисок врз наставниците, заканувајќи им се со казни и губење на работното место. Ние предлагаме евалуација и тестирања на учениците, но без дополнително внесување на оценки во нивните свидетелства и без казни за наставниците. Вреднувањето на стекнатото знаење ќе се спроведува континуирано.

 

Предучилишното образование го враќаме во образовниот систем. Воведуваме задолжително едногодишно предучилишно образование, како интеграциска мерка и подготовка на децата за влез во 9-годишното основно образование. Ова ќе придонесе за изедначување на децата од различните социјални средини, како и за започнување со елементите на воспитниот процес, којшто во изминатите години исчезна од образовниот систем.

 

Средното образование ќе трае две, три или четири години: ќе ги задржиме класичното гимназиско образование и четиригодишното стручно образование, но ќе воведеме и можност за завршување по втора и трета година кај стручното образование. Промената ќе биде во тоа што на пазарот на трудот првите кадри ќе се вклучат по две или три години средно стручно образование, на 17-годишна возраст. Имено, оние кои сакаат да се вклучат на пазарот на трудот не треба непотребно да ги задржуваме во образовниот систем. На тие млади луѓе ќе им овозможиме брз влез во стопанството и време за созревање и планирање на сопствената деловна кариера, со можности за подоцнежно дошколување.

 

Наставниците ќе ги ослободиме од непотребните административни, формални и други обврски за да можат целосно да им се посветат на учениците и нивното воспитание и образование. На наставниците во основното и во средното образование им се потребни поддршка и стимулација, а не закани и казни. Ќе воведеме нови звања за наставниците и во основното и во средното образование. Тие звања ќе имаат значајна улога во кариерата и бенефициите на секој наставник.

 

Ова се само дел од мерките со кои ќе го подобриме образовниот процес и ќе го вратиме достоинството и на наставниот кадар и на учениците.

 

Нудиме план за живот на сите во Македонија, затоа што за нас секој е важен“ - рече Костадинов.

.

.

ПОВЕЌЕ ВЕСТИ

Во сообраќајка во Скопје повредени четворица малолетници меѓу кои и еден од Струмица

Во сообраќајка во Скопје повредени четворица малолетници меѓ…

Авг 19, 2022 Вести

Утрово во 04:20 часот на крстосницата од булевар „Мајка Тереза“ со улицата „Тодор Александров“ и улицата „Белградска“ во Скопје, патничко возило „Форд...

Вечерва последниот концерт од „Струмица Опен фестивал 2022“

Вечерва последниот концерт од „Струмица Опен фестивал 2022“

Авг 19, 2022 Вести

Вечерва со почеток во 20:00 часот на сцената на СОФ, кај езерцето во големиот градски парк ќе настапат Коста Хаџикојчев бенд и Влатко Лозано...

Започна реконструкцијата на училиштето во Вељуса

Започна реконструкцијата на училиштето во Вељуса

Авг 19, 2022 Вести

Општина Струмица и Министерството за образование и наука започнаа со комплетна реконструкција на основното училиште „Гоце Делчев“ во селото Вељуса. К...

Фондацијата „Заев – Едно општество за сите“, во чест на Светскиот ден на хуманоста со донација од 200.000 денари

Фондацијата „Заев – Едно општество за сите“, во чест на Свет…

Авг 19, 2022 Вести

Под мотото „Потребно е село“, кое асоцира на познатата поговорка „Потребно е цело село за да се одгледа дете“, годинава под покровителство на Обе...

Се подготвува теренот за изградба на булеварски мост на река Водочница во близина на Автобуската станица

Се подготвува теренот за изградба на булеварски мост на река…

Авг 18, 2022 Вести

Компанијата „Жикол“ почна со реализација на проектот „Изведба на мост на река Водочница на траса на ул. „Братство Единство“ во Струмица. Станува збор ...

Во Босилово „Нула отпад“ ќе изгради собирен центар за селекција на електронски отпад

Во Босилово „Нула отпад“ ќе изгради собирен центар за селекц…

Авг 17, 2022 ФЛЕШ ВЕСТИ

Договорена соработка помеѓу Општина Босилово и Друштво за управување со отпад „Нула отпад“, од кои општината доби донација приколица за трактор за со ...

Матурантите од генерацијата 2018/2022 на СОУ „Јане Сандански“ со фрлање капи го заокружија своето образование во ова училиште

Матурантите од генерацијата 2018/2022 на СОУ „Јане Сандански…

Авг 16, 2022 Вести

Синоќа во дворот на струмичката гимназија се одржа традиционалната свеченост по повод доделувањето дипломи на матурантите од генерацијата 2018/2022 на...

Утре прекин на електричната енергија во реонот од Добрејци до Василево

Утре прекин на електричната енергија во реонот од Добрејци д…

Авг 15, 2022 ФЛЕШ ВЕСТИ

ЕВН Македонија – КЕЦ Струмица за утре (вторник, 16 Август) најавува прекин на електричната енергија од 09:30 до 10:30 часот и тоа: дел од населените м...