ИНТЕРВЈУ со Катерина Кузмановска, иден пратеник во Собранието на Република Македонија

Петок, 09 Декември 2016

Како прво здравството ќе им го вратиме на граѓаните и на здравствените работници

Доктор Катерина Кузмановска е родена 1968 година во Струмица. Средно образование завршила во гимназијата „Јане Сандански“ во 1986 година. Медицински факултет во 1991 година, а од 1992 година работи во ЈЗУ „Општа Болница“ во Струмица. Специјалист педијатар е од 2004 година.

 

Досега бевте член на Советот на општина Струмица, колку за доктор Кузмановска е предизвик пратеничката функција?

 

Кузмановска: Во животот постојат повеќе предизвици. Предизвик беше и советничката функција од која научив што значи да бидеш дел од креирањето на една успешна локална политика. Струмица е општина каде што со Зоран Заев, како прв човек и градоначалник, доби лик на модерен европски град, на кој можат само да ни завидуваат. Мислам дека и пратеничката функција е уште поголем предизвик. Времето во кое живееме и кое ја руши суштината на човековото постоење, основните морални вредности, демократијата и слободоумието, мојата сегашност, професионалност, иднината на нашите деца е мојот најголем предизвик да застанам на вистинската страна за промени, за враќање на вербата и надежта.

 

Кои се приоритетите во вашата агенда по влезот во Собранието на Република Македонија?

 

Кузмановска: Македонија има плодна земја, има вреден и работлив народ, но мора да има и одговорни политичари. Јас сум убедена дека како што професионално ја вршев мојата лекарска професија, така одговорно и професионално ќе ја извршувам и пратеничката функција, се со цел во интерес на граѓаните кои ми ја дале довербата во сите сфери на општествениот живот.

 

Како лекар специјалист-педијатар, со долгогодишен стаж во државното здравство, што ќе им понудите на граѓаните за подобро функционирање на здравствениот систем и негово ставање во нивна фунција?

 

Кузмановска: Како прво здравството ќе им го вратиме на граѓаните и на здравствените работници. Законите и решенијата за квалитетен здравствен систем нема да ги донесуваме стихијно, туку со договор и во интерес на пациентите и здравствените работници. Ќе знаеме да го вреднуваме и почитуваме трудот и важноста на здравствените работници, а од друга страна ќе овозможиме достапност до здравствени услуги и задоволни пациенти.

 

Каква е вашата оценка за досегашниoт тек на кампањата за предвремените парламентарни избори на 11 декември?

 

Кузмановска: Мислам дека треба да останеме достојни на она на кое се обврзавме како политичка партија. Јас се надевам дека барем малку во секого ќе проработи човечноста, грижата на совеста и моралот, одговорноста спрема земјата во која живееме, одговорноста кон нашите деца. Јас се надевам дека граѓаните ќе ја препознаат вистината, дека ќе имаат храброст да им се спротивстават на притисоците, уцените и заканите и ќе може слободно да ја изразат својата волја на 11 декември.

 

Колку сте задоволни од вашата промоција пред граѓаните?

 

Кузмановска: Јас имам 48 години, 24 години работам како лекар, мојата промоција како човек,како граѓанин, трае многу подолго од овие 15 дена на изборната кампања,а и убедена сум дека СДСМ со Коалицијата ќе донесе живот во Македонија.

 

Што можете да им ветите на вашите избирачи?

 

Кузмановска: Можам да им ветам дека гласајќи за промени и планот за Македонија на СДСМ и Коалицијата гласаат против суровата сегашност, а за иднината на своите деца. Уверена сум дека граѓаните заслужуваат и во Македонија може подобро да се живее.

 

Каков пратеник ќе добијат граѓаните со вашиот избор?

 

Кузмановска: Јас сум дел од народот, едноставен човек, хуманист, професионалец во работењето , до сега во служба на пациентите. Како иден пратеник ќе останам повторно меѓу граѓаните , ќе учам од нив, ќе бидам спроводник на потребите и предлозите- се во интерес на подобар и подостоинствен живот.

 

Кои проблеми на граѓаните ќе настојувате да бидат решени во македонското собрание?

 

Кузмановска: Подобар живот за граѓаните, со повисоки плати, со повисок стандард - да се живее, а не да се преживува. Да градиме држава која ќе постои за граѓаните, а не граѓаните за државата. Да запрат огромните социјални разлики. Парите ќе ги насочиме кон граѓаните. Институциите ќе работат во служба на граѓаните. Ќе ги поддржиме домашните фирми. Ќе има контрола над власта и правда за сите. Земјоделството ќе го вратиме на земјоделците, образованието на наставниците и учениците, здравството на пациентите и здравствените работници. Се ова, во прилог на најважното-за младите да останат во Македонија.

.

.

ПОВЕЌЕ ВЕСТИ

Зорица Заева и д-р Венко Филипче донираа перики на 15 пациентки кои се лекуваат на Универзитетската клиниката за радиотерапија и онкологија

Зорица Заева и д-р Венко Филипче донираа перики на 15 пациен…

Окт 06, 2022 Вести

По повод одбележувањето на Октомври како месец за борба против ракот на дојката, Зорица Заева и д-р Венко Филипче од име на Фондацијата „ЗАЕВ – Едно о...

Влада: Ограничени маржи и за млечни производи

Влада: Ограничени маржи и за млечни производи

Окт 06, 2022 Вести

Владата на денешната седница донесе Одлука за дополнување на одлуката за посебни услови за трговијата на одделни стоки. Со оваа одлука, на предлог на ...

Хотел „Studio Inn“ Струмица бара рецепционер

Хотел „Studio Inn“ Струмица бара рецепционер

Окт 06, 2022 Веб Билборд

Хотел „Studio Inn“ од Струмица има потреба од рецепционер за работа во ноќна смена. Подетални информации и пријавување на: 034 331 851...

Се ближи 9-от роденден на „HOME by Almak“, од утре цените таму ќе паѓаат до -35%, а следуваат и многу награди за потрошувачите

Се ближи 9-от роденден на „HOME by Almak“, од утре цените та…

Окт 05, 2022 Магазин

Се ближи 9-от роденден на најголемиот салон за мебел во Македонија „Home by Almak“ на струмичкиот бренд „Алмак“, препознатлив цели 27 години кај нас и...

„Струмица Никоб“ првиот натпревар од квалификациите во ЦЕВ Купот сепак ќе го одигра во Струмица

„Струмица Никоб“ првиот натпревар од квалификациите во ЦЕВ К…

Окт 05, 2022 Вести

Македонскиот одбојкарски шампион „Струмица Никоб“ првиот натпревар од квалификациите во ЦЕВ Купот, сепак ќе го одигра на домашен терен. Со оглед на т...

Во Босилово и Бориево ќе се градат бетонски одводен канал

Во Босилово и Бориево ќе се градат бетонски одводен канал

Окт 05, 2022 Вести

Како резултат на успешната соработка помеѓу општините Босилово (Македонија) и Грмен (Бугарија), преку програмата за прекугранична соработка, во наредн...

Бесплатни гинеколошки прегледи за жените од општина Василево

Бесплатни гинеколошки прегледи за жените од општина Василево

Окт 05, 2022 Вести

Следејќи го успешниот пример на работата на мобилните гинеколошки амбуланти низ различните општини во државата во текот на оваа година, Македонската а...

Децата од градинките „Детска радост“ со песна и игра на струмичкиот плоштад ја одбележаа Детската недела

Децата од градинките „Детска радост“ со песна и игра на стру…

Окт 05, 2022 Вести

Денеска на плоштадот „Гоце Делчев“ во Струмица беше разиграно, распеано, весело, се слушаше детскиот џагор. Околу 350 деца од предшколска возраст од Ј...